काहीच कसे होत नाही? काहीच कसे सुचत नाही? काहीच का नाही मिळत किंवा देता येत? काहीच नाही? असे का? हा आपल्यासाठी काही नवीन प्रश्न नाही. आयुष्याच्या गदारोळीत गधामजुरी करून-करून माणसाला तणावाचे शिखर गाठायची वेळ आली की तो होतो ‘ब्लँक’ अगदी कोरा. पुढे मागे काहीच नसल्यासारखा, शून्यपूर्ण, तल्लीन वाटणार्‍या गृहस्थाला विचारले, ‘‘अरे काय विचार करीत आहेस?’’ तेव्हा तो म्हणतो ‘काहीच’ नाही. या काहीच नाहीचा अर्थ खरं तर ‘खूप काही’ असा असतो आणि ते एवढे जास्त असल्यामुळे काहीच कळत नसते. आपण आपल्या जगण्याला ‘सिनेमा’सारखे जगण्याचा प्रयत्न करतो. पहिला भाग म्हणजे जन्म, दुसरा भाग म्हणजे मृत्यू. खर्‍या जगण्याला मात्र मध्यांतर समजून आपण धावपळीत काढतो. पिक्चरच्या मध्यांतरात कुणी कुणी थंड, समोसा, चहा आणायच्या गडबडीत असतो तर कुणी शौचालयाच्या लाईनीत उभे राहून दर २ मिनिटाला घड्याळाकडे पाहत असतो. प्रत्येकाला घाई असते दुसरा भाग सुरू होण्यापूर्वी जागेवर बसण्याची. तसेच मरण येण्याआधी खूप काही करायचे असते म्हणून जीव आटवून आपण पार सुकून जातो. आपल्याला असलेल्या शांततेची गरज जेव्हा आपल्याला जाणवत नाही तेव्हा नैसर्गिकरीत्या ती शांतता आपल्या जीवनात येते. त्यालाच ‘‘ब्लँक’’ होणे असे म्हणतात. ब्लँक होणे वाईट नसून फायद्याचे आहे. कधी कधी याच अवस्थेत अनेक प्रश्‍नांची उत्तरे मिळून जातात. बरीच कोडी सुटतात. मन कोर्‍या पाटीसारखे होते. त्यावर नव्याने आपण हवे ते लिहू शकतो. पुढल्यावेळी ‘‘ब्लँक’’ झालात तर घाबरू नका. त्या अवस्थेचाही आनंद घ्या. मनाला थोडे आराम करू द्या.एखादा ‘ब्लँक कॉल’ घरच्या फोनवर आला की, आपण जसे ‘हॅलो हॅलो’ ओरडत असतो. तसे या बाबतीत होऊ देऊ नका. शांत व्हा व शांततेचा उपभोग घ्या. कधीतरी होऊन पाहा ‘ब्लँक’.
- dr.swapnapatker@gmail.com
सौजन्य :- थर्ड जनरेशन, सामना २३०७२०११.
आषाढी एकादशी ते कार्तिकी एकादशी या चार महिन्यांच्या कालावधीला चातुर्मास असे म्हटले जाते. साधारपणे आषाढी एकादशीपासून विविध नियम करून ते चार महिने पाळण्यावर पूर्वापार भर दिला जातो. आजच्या काळातही हे नियम लागू पडतात. काही नियमांमध्ये थोडेफार बदल करून आजही चार्तुर्मास पाळणं गरजेचं आहे. अगदीच घराबाहेर पडायचे नाही, हा नियम पाळता आला नाही तरी जेवणाबाबतचे नियम पाळायला काहीच हरकत नाही. 
संगणकावर टीव्ही बघण्यासाठी आजकाल आपणासमोर बरेच पर्याय आहेत. संगणकावर इंटरनेटचा वापर करून आपण अनेक ऑनलाईन टीव्ही चॅनल्स बघू शकतो किंवा संगणकाचा मॉनिटर किंवा एलसीडीला बाहेरून लावण्यासाठी असणारे टीव्ही ट्यूनर कार्डचा वापर करूनदेखील आपण संगणकावर टीव्ही बघू शकतो. पण जर घरच्या टीव्हीवरच आपण जर संगणकात करू शकतो ती सर्व कामे करू शकलो तर? होय आता हे शक्य आहे. एलजी व सॅमसंगने त्यांचे नवीन ‘स्मार्ट टीव्ही’ हे क्रांतिकारी वैशिष्ट्य असणारे एलसीडी टीव्ही सादर केले आहे. ज्याचा वापर करून आपण टीव्हीवरच संगणक वापरू शकतो. ‘स्मार्ट टीव्ही’ हे भविष्यातील टीव्ही आहेत व त्यात संगणक, इंटरनेट व टीव्हीचे भन्नाट कॉम्बिनेशन आहे.
इंद्रधनुच्या पानावरील टेक्नोलॉजीविषयी माहिती वाचून वाचकांनी टेक्नोसॅव्हीला मेल पाठवून खूप शंका विचारल्या त्यातल्याच काही निवडक प्रश्‍नांना या सदरातून टेक्नोसॅव्ही उत्तरे देणार आहेत. वाचकांनी आपले प्रश्न Techno.savvy@live.com या मेलवर जरुर विचारावे 
आषाढ शुक्ल एकादशीपासून ते कार्तिक शुक्ल एकादशीपर्यंतचा चार महिन्यांच्या कालावधीत आजही अनेक जण ‘चातुर्मास’ पाळतात. पिझ्झा, बर्गर, नॉनव्हेजच्या काळात आजची पिढी खूप चंगळवादी बनत चालल्यामुळे व्रतवैकल्यांचा त्यांना विसर पडला आहे. नुसता श्रावण पाळायचा ठरवला तरी पंधरा दिवसांनी अनेकांचा धीर सुटतो. सध्याच्या धावपळीच्या जीवनशैलीत आपण खरंतर असा चातुर्मास पाळायला हवा. सोमवारपासून चातुर्मासाला प्रारंभ झाला आहे. त्यानिमित्ताने...
पावसात मस्त गरमागरम भाकरी आणि त्यासोबत अळूचं फतफतं खाण्यात जी मज्जा आहे ती काही औरच! कोकणात अळूचे फतफते चांगलेच लोकप्रिय आहे अळूच्या कंदाची, पानांची व देठाचीही भाजी बनवली जाते ओलसर जमिनीत अळूची लागवड जास्त होते या पानांच्या वड्याही सगळ्यांच्या परिचयाच्या आहेत काही अळू खाजरे असतात अशावेळी चिंच किंवा कोकमचा वापर करुन त्यातील खाज दूर करता येते हे अळू अतिशय गुणाकरी असतात त्याविषयी - अळू थंड, शक्तिवर्धक, अग्नीप्रदीपक, कफ आणि वायूकारक आहे.
सध्या ‘पॉवर’चा जमाना आहे. प्रत्येकाला पॉवरचे वेड लागले आहे. आपल्या ताकदीचे प्रदर्शन घालणे सर्वांनाच आवडते. मग ‘मसल’ बनवून कमावलेली शारीरिक ताकद असो किंवा आपल्या पदाचा रुबाब असो. ‘शक्तिप्रदर्शना’चे पोस्टर लावायला कुणी चुकत नाही. शक्ती ही देवाची देणगी आहे. ती तो सगळ्यांनाच देतो. फक्त काहींना ती असल्याचे भान असते. शक्तीचे पहिले स्वरूप आहे शारीरिक शक्ती. शरीराची प्रतिकारशक्ती ठणठणीत असणे यालाच शारीरिक शक्ती म्हणतात. चांगल्या सवयीमुळेच शरीराला प्रतिकार करण्याचे बळ मिळते. पौष्टिक आहार, व्यायाम आणि चांगली झोप माणसाला मजबूत करते. ऑफिसचे काम, ट्रॅफिकचे प्रवास आणि घरी पोहोचल्यावर घरच्या जबाबदार्‍या पार पाडण्यात ही शक्त्ती साथ देते, आजारांपासून दूर ठेवते आणि थकव्याला जवळ येऊ देत नाही. शक्तीचे दुसरे रूप आहे मानसिक शक्ती. प्रॉब्लेम सर्वांनाच असतात. काही थोडक्यात गळून पडतात, तर काही ठामपणे संकटाशी लढायला सज्ज होतात. छोट्या-छोट्या गोष्टींनी वैतागणारे कामात, नात्यात, कशातही लक्ष देऊ शकत नाहीत. मनाने हळवी माणसे शरीराने कितीही बलवान असली तरी त्यांना आयुष्य जडच वाटते. यावरून हे लक्षात येते की, शारीरिक शक्ती हवीच, पण त्यासोबत मानसिक शक्ती नसेल तर सर्वकाही व्यर्थ आहे. तुम्ही कोणत्याही पदावर असा किंवा तुमचा सामाजिक पातळीवर कितीही दबदबा असो, पण स्वत:च्या मनावर जर तुमचा ताबा नसेल तर जगातल्या कोणत्याही ताकदीला काहीच अर्थ राहणार नाही. कुणाला मारणे, त्रास देणे, छळणे किंवा दुखावणे याला ताकद म्हणत नाही. जगातील सर्वात मोठी शक्ती आहे ‘सहनशक्ती’. मोठे आजार असोेत, कठीण परिस्थिती असो, अनेकांची विकेट पडते. भले भले धीर सोडतात. स्वत:शी किंवा परिस्थितीशी धाडलेल्या लढाईत एकच शक्ती कामी येते ती म्हणजे ‘सहनशक्ती’ ही शक्तीदेखील प्रत्येकाकडे असते. अफाट असते, पण आपल्याला ती माहीत नसल्यासारखेच आपण वागतो आणि या शक्तीचीही कमाल आहे. त्रास वाढला की, ही शक्ती दुप्पट वाढते. आपल्या मदतीला ती सतत असते. पुढे त्रास कमी झाला तरी ती कमी होत नाही. दु:खात, काळाच्या पकडीत याहून वाईट काहीच नाही होणार असे आपल्याला वाटत राहते. पण तीही वेळ सरून जाते. आपण त्या परिस्थितीतून बाहेर पडतो, पण त्याचे कारण आपली ‘सहनशक्ती’ असते हे आपण लक्षात घेत नाही. हे संपूर्ण जग चालत आहे आशा आणि सहनशक्तीवर. या शक्तीचा सन्मान करा. ती वाढवत रहा. ती वाढली तर त्रास कमी वाढेल. इतर शक्तींचे ‘ऍडव्हर्टाइजमेंट’ पाहून त्यांच्या आहारी जाऊ नका. या शक्तीला सर्वात मोठे स्थान आहे. तुमच्याही आयुष्यात ते असू द्या, कारण सर्व शक्तींचा बाप आहे ‘सहनशक्ती’.
प्लेटलेट्स हा रक्तामधील एक महत्त्वाचा घटक आहे. प्लेटलेट्स या शरीरातील रंगहीन पेशी असतात. रक्त पातळ होऊ न देण्याचे तसेच रक्तवाहिन्यांना इजा झाल्यास रक्तस्त्राव अधिक प्रमाणात न होऊ देण्याचे काम या पेशी करतात. रक्तामध्ये हिमोग्लोबिन, प्लाझ्माप्रमाणे प्लेटलेट्स हा एक महत्त्वाचा घटक आहे. सर्वसाधारणपणे रक्तामध्ये प्लेटलेट्सची संख्या दीड लाख ते साडेचार लाख इतकी असते. ती ७० ते ८० हजार इतकी झाल्यास शरीरात इन्फेक्शन झाले आहे असा अंदाज येतो. इन्फेक्शन किंवा इतर काही कारणामुळे शरीरातून मोठ्या प्रमाणात रक्त वाहून गेले तर प्लेटलेट्सचे प्रमाण कमी होते. प्लेटलेट्स कमी झाल्यास ते बाहेरून भरले जाऊ शकतात. औषधांपेक्षा बाहेरून तयार प्लेटलेट्स रुग्णाला दिल्यास तो आजाराशी प्रभावीपणे सामना करू शकतो आणि औषधेही लागू पडतात.
- सर्दी, दमा किंवा फुप्फुसाच्या आजारावर अंजीर हे उत्तम औषध आहे. साधारण पाच अंजीर पाण्यात उकळून ते पाणी सकाळ-संध्याकाळ प्यायल्याने आराम मिळतो.