व्यसन सोडायचे उपाय

पहिल्यांदा दारू पिणार्‍यांपैकी १५ ते २५ टक्के लोक व्यसनी होत असतात. ही फार वाईट सवय आहे. आजच्या आधुनिक जीनवात दारूने सहजरीत्या प्रवेश केला आहे. आज स्त्री, पुरुष, युवावर्ग, वृद्ध या सगळ्यांना ती प्रिय असते मात्र दारू कोणावर प्रेम करत नाही. या गोड विषाला सोडण्यातच भलाई आहे, नाही तर तुमच्याकडे पश्चात्ताप करण्यासाठीही वेळ शिल्लक राहणार नाही.


दारू, सिगारेट व तंबाखू सोडण्याचे सहज व सोपे उपाय आम्ही आपल्यासाठी देत आहोत. ते पुढील प्रमाणे...

* सफरचंदाचा रस वेळोवेळी प्यायल्याने तसेच जेवणात सेबचा उपयोग केल्याने दारू पिण्याची सवय सुटते.


* उकडलेले सफरचंद दिवसातून तीन- चारदा सेवन केल्याने दारूची सवय सुटते.

* एका हळदीचे बारीक-बारीक तुकडे करावे जेव्हा पण सिगारेट, तंबाखू खाण्याची इच्छा झाली तेव्हा हळदीचे तुकडे तोंडात टाकून आरामात चघळावे. काही दिवसात विडी, सिगारेट व तंबाखूची सवय सुटते.


* चरस, गांजा, दारू यांची कोणालाही जास्त नशा झाली असल्यास ६० ग्रॅम द्राक्षे वाटून पाण्यासोबत गाळून घ्यावे. यामध्ये काळी मिरी, जिरे यांची पूड व मीठ टाकून पिण्यास द्यावे. लवकरच दारूची झिंग उतरते.


* कांद्याचा रस २५ ग्रॅम दिवसातून एकदा नियमित सेवन केल्यास तंबाखू खाण्याची सवय सुटते.

* एक ग्लास पाणी घेऊन त्यामध्ये लिंबू पिळावा. हे मिश्रण दिवसातून अनेक वेळा घेतल्याने दारूची नशा कमी होते.

सौजन्य:- फुलोरा, सामना.