महिलांसाठी ‘युवा सेने’ची हेल्पलाइन

जगातली प्रसिद्ध तलाव

बायकल तलाव

तलाव ठिकाण खोली आकारमान


(फुट) (किमी)

बायकल तलाव सायबेरीया ५३१५ ३१४९४

लॉंग नीघ आर्यलँड - ३८१.६४

कॅस्पीयन सी आशिया ३३६३ ७८२००

टांगान्यिका टांझानिया १४७१ ३२८९३

सुपिरीअर अमेरीका २९०३ १२१००

लॉच लोमंड स्कॉटलंड - ७१.१२

व्हिक्टोरीया केनिया - ६९४८५

लॉच नेस इंग्लंड ७५५ २१.८७

ग्रेट स्लेव कॅनडा २०१५   सौजन्य :- फुलोरा, सामना २९१२१२

इंटरनेट सेफ्टी

इंटरनेट वापरताना अचानक मधेच एखाद्या जाहिरातीचा किंवा एखाद्या चांगल्या ऑफरचा पॉप अप आपल्यासमोर प्रकट होतो व आपण काहीएक विचार न करता थेट अशा पॉप अपवर क्लिक करतो व त्यानंतर त्यांच्या जाहिरातवजा संकेतस्थळावर आपल्या माहितीची नोंद करून जाहिरातदाराच्या फोन किंवा ईमेलची वाट बघत बसतो. परंतु सावधान! इंटरनेटवरील अशा पॉप अपरूपी प्रकटणार्‍या जाहिरातींना ऍडवेयर असे म्हणतात व अशा बहुतांशी जाहिरातींचा उद्देश हा तुमची ‘आयडेंटिटी थेफ्ट’ अर्थात तुमच्या वैयक्तिक माहितीची चोरी करणे असा असतो.
- आयडेंटिटी थेफ्ट- मोबाईल क्रमांक, ई-मेल ऍड्रेस, बँक अकाऊंट नंबर किंवा क्रेडिट कार्ड क्रमांक ही आपली गोपनीय माहिती असते. सराईत हॅकर्स ऍडवेयरचा वापर करून सहजपणे या माहितीची चोरी करू शकतात. यालाच ‘आयडेंटिटी थेफ्ट’ असे म्हणतात. माहितीचा दुरुपयोग टाळण्यासाठी नेटवरील ‘ऍडवेयर’वर आपली वैयक्तिक माहिती शेयर करण्याचे टाळावे. चांगली वेबसाईट किंवा खात्रीवजा प्रॉडक्ट असेल तर त्या कंपनीच्या ग्राहक सेवा विभागाला फोन करून जाहिरातीची खातरजमा करून अशा संकेतस्थळावर नोंदणी करावी.
- मॅन इन द मिडल - ऍडवेयरचा वापर करून सराईतपणे तुमचा ई-मेल,ऑनलाईन बँक अकाऊंट, कोणत्याही ऑनलाईन सेवेमध्ये तुम्हाला माहीत नसताना बेमालूमपणे हॅक करण्याचा हा नवीन प्रकार आहे. मॅन इन द मिडल म्हणजे जेव्हा तुम्ही अशा कोणत्याही ऍडवेयरवर क्लिक करता तेव्हा संगणकातील इंटरनेट ब्राऊसरमधील सर्व माहिती ‘ऍडवेयरवरील’ संगणकावर नोंद होते व इंटरनेट ब्राऊसरमधील ‘कुकीज’चा वापर करून हॅकर्स थेट ऑनलाईन सेवेचा ताबा घेतात.
- स्पायवेयर/मालवेयर - इंटरनेट वापरताना आपल्यासमोर ‘मोस्ट गुड स्क्रीनसेव्हर्स’ किंवा ‘अमेझिंग वॉलपेपर्स’सारख्या सुंदर चित्रे असणार्‍या जाहिराती झळकतात व आपण चांगले स्क्रीनसेव्हर्स किंवा वॉलपेपर्स डाऊनलोड करण्यासाठी त्यावर क्लिक करतो. ते् इन्स्टॉल झाले की आपल्या संगणकात ते एक ठरावीक प्रोग्राम इन्स्टॉल करतात. हा प्रोग्राम दर ठरावीक वेळेला आपल्या संगणकात होत असलेल्या सर्व नोंदी ‘ऍडवेयरच्या’ मुख्य संगणकापर्यंत इंटरनेटवरून पाठवत राहतो. मग या माहितीचा दुरुपयोग केला जातो. त्यामुळे इंटरनेटवर जाहिरातीमधून आलेल्या स्क्रीनसेव्हर वॉल पेपर्सपासून दोन हात दूरच राहणे केव्हाही चांगले.
ऍडवेयरपासून बचाव- ऍडवेयरपासून बचाव करण्याचा सर्वांत सोपा मार्ग म्हणजे तुमच्या इंटरनेट एक्स्प्लोररमधील ‘पॉप अप ब्लॉकर’चा वापर करणे. त्यासाठी इंटरनेट एक्स्प्लोरर - प्रॉपर्टीज - प्रायव्हसी - टर्न ऑन पॉप अप ब्लॉकरवरील टीक काढून टाकणे. यामुळे तुमच्या संगणकातून कोणत्याही संकेतस्थळावरील पॉप अप कायमच्या बंद होतील. जर तुम्हाला काही विशिष्ट संकेतस्थळावरील पॉप अप बघायच्या असतील तर याच ऑप्शनमधील ‘अलाऊ वेबसाईट’चा वापर करून त्या संकेतस्थळावरील पॉप अप बघू शकता.
- कुठल्याही संकेतस्थळावरील ‘पॉप अप’वर आपल्या वैयक्तिक माहितीची नोंद करू नये.
- इंटरनेट एक्स्प्लोररमधील स्मार्ट स्क्रीन फिल्टर व क्रॉस साईट स्क्रिप्टिंग फिल्टरचा वेळोवेळी वापर करीत रहा.
- इंटरनेट एक्स्प्लोरर तसेच विंडोज संगणकप्रणालीचे लेटेस्ट पॅचेस वेळोवेळी अपडेट करीत रहा.
सौजन्य :- फुलोरा, सामना २२१२१२

श्री गणेश जन्म कथा

श्री विनायकाचा जन्म माता पार्वतीच्या शरीराच्या मळापासून झालेला असतो, अर्थात त्यात माता  पार्वतीचा पण स्वार्थ असतो की त्या पुत्राने सुद्धा फक्त तिचेच ऐकावे. असेच एक दिवस माता पार्वती स्नानाला जाण्यापूर्वी विनायकाला सांगून जाते की "कुणीही आले तरी आत सोडू नको, तू प्रवेश द्वारावर रक्षण कर." जेव्हा महादेव तिथे पोहचतात तेव्हा विनायक त्यांना सुद्धा प्रतिबंध करतो. गणांच्या सांगण्यानुसार तो पिता म्हणून त्यांना प्रणाम करतो. पण आईचा आदेश तो सर्वांपेक्षा उच्च मानत असतो, कारण वडील हे गुरूपेक्षा मोठे गुरु असले तरी आई हि त्या पेक्षा हि मोठी असते. थोडक्यात, असे कि विनायका चा जन्म हा स्वार्थीपण ह्या संकुचित भावनेतून झालेला असल्यामुळे त्याची विचार क्षमता पण संकुचित असते व त्यामुळे तो अहंकारी पण झालेला असतो. तर पुढे असे की, विनायक कुणालाच जुमानत नाही व तो गणापासून, ऋषी व देवतांचा अपमान करतो. जेव्हा विनायक (तो क्षण म्हणजे एका पित्याच्या मनावर झालेला आघात असतो) महादेवांवर हल्ला करतो तेव्हा मात्र,

महादेव त्याला शिक्षा देतात व शिरच्छेद करतात.

तेव्हा माता पार्वती श्रुष्टी नाश करण्यासाठी निघते. ती काहीही ऐकण्यास तयार नसते. मग महादेव गणांना आदेश देतात कि, " जो कोणी पहिला प्राणी दिसेल व जो स्वेच्छेने आपले शीर देईल, त्याचे शीर सूर्यास्तापूर्वी विनायकाला आणून लावावे." अश्या प्रकारे त्यांना एका हत्तीचे शीर मिळते. यात अशी कथा आहे कि त्या गजराजाने वरदान असे मागितलेले असते कि, मला सदैव महादेवाचे सानिध्य मिळेल व मी श्रुष्टी मधील सर्वात बुद्धिमान प्राणी होईन.

मग  महादेवांच्या आशिर्वादाने गजमुख श्री गणेशाचा जन्म होतो. नंतर पार्वती माता  तिच्या चुकीच्या शिकवणीची  महादेवांकडे क्षमा मागते. अश्या प्रकारे बुद्धिमान विनायकाचा जन्म होतो.

तात्पर्य :- चुकीच्या शिकवणी मुळे समाजाच पण  हानी होत असते. व जिथे श्रुष्टी ची हानी होईल तिथे नियती पण क्षमा नाही करत.  

कुश लव रामायण गाती

श्रीरामचंद्राच्या अश्वमेध यज्ञासाठी अयोध्येंत माणसांचा महासागर जमला होता. तापस वेष धारण केलेले दोन बटु मंडपांत आले. ते म्हणाले “आम्ही महर्षि वाल्मीकींचे शिष्य आहोंत. आम्ही रामचरित्रगायन करतो.” श्रीरामांना माहीत नव्हतें की आपल्यासमोर आपल्या चरित्राचें गायन करणारे हे बटु आपलेच पुत्र आहेत.

स्वयें श्रीरामप्रभू ऐकती

कुश लव रामायण गाती

कुमार दोघे एक वयाचे

सजीव पुतळे रघुरायाचे

पुत्र सांगती चरित पित्याचे

ज्योतिनें तेजाची आरती

राजस मुद्रा, वेष मुनींचे

गंधर्वच ते तपोवनींचे

वाल्मीकींच्या भाव मनींचे

मानवी रूपें आकारती

ते प्रतिभेच्या आम्रवनांतील

वसंत-वैभव-गाते कोकिल

बालस्वरांनी करुनी किलबिल

गायनें ऋतुराज भारिती

फुलांपरी ते ओठ उमलती

सुगंधसे स्वर भुवनीं झुलती

कर्णभुषणें कुंडल डुलती

संगती वीणा झंकारिती

सात स्वरांच्या स्वर्गामधुनी

नऊ रसांच्या नऊ स्वर्धुनी

यज्ञ-मंडपीं आल्या उतरुनी

संगमी श्रोतेजन नाहती

चतुर व्हा

शरीर सुंदर सतेज । वस्त्रे भूषणें केलें सज्ज ॥

अंतरी नसता चातुर्य-बीज । कदापी शोभा न पावे ॥

- समर्थ रामदास

सध्याच्या जगाला लाडीलबाडी व प्रत्येक क्षेत्रातील जीव घेणी स्पर्धा , या दोन गोष्टींनी ग्रासलं आहे . भारताचे भावी आधारस्तंभ असलेल्या माझ्या बाल मित्र-मैत्रिणींनो, आपल्या अंगचा सज्जनपणा न सोड्ता, जर या परिस्थितीवर मात करुन तुम्हाला आपली ध्येये साध्य करायची असतील तर, अंगी चातुर्य बाणविण्याची आत्यंनतीक गरज आहे.

परंतु 'चातुर्य' म्हणजे काय , हे ठाऊक आहे ? चातुर्य म्हणजे शहाणपणा, धोरणीपणा , मुत्सद्दीपणा, हजरजबाबी वृत्ती, धुर्तपणा, दूरदर्शीपणा, प्रसंगावधानता वगैरे गुणांच माणसाच्या डोक्यात तयार झालेलं एकजीव असं रसायन.

माणूस केवळ विद्वान असल्याने त्याचा या जगात निभाव लागत नाही. अंगी चातुर्य नसलेला विद्वान एखाद्या प्रसंगात सापडला, तर आपण या प्रसंगात का सापडलो, याची मुद्देसुद मीमांसा ही इतरांपुढे करीत बसतो, परंतु अंगी चातुर्य असलेला माणूस असे विवरण करीत न बसता, आल्या प्रसंगावर मात करतो आणि आपली यशाची वाटचाल आक्रमू लागतो; थोडक्यात सांगायचं तर, विद्वत्ता ही नुसती बोलघेवडी असते, तर चातुर्य हे कृतिशील म्हणजे प्रत्यक्ष कृती करुन दाखविणारे असते. म्हणून जोश बिलिंग्ज नावाचा पाश्चात्य विचारवंत म्हणतो,

भावार्थ - विद्वत्ता ही ग्रंथालयांतून झोपा काढत व घोरत असते, तर चातुर्य हे संभाव्य प्रसंगाला तोंड देण्यासाठी अगदी जागरुकतेनं एका पायावर उभे असते.

अंगी चातुर्य नसलेली माणसं भोवताली कितीही असली, तरी एकटा चतुर माणूस त्या सर्वांवर मात करु शकतो. आगऱ्यास औरंगजेबाच्या कैदेत सापडलेल्या शिवप्रभुंनी फ़ुलादखानाच्या पहाऱ्यातून आपल्या पुत्रासह पलायन केले, ते चातुर्याच्या जोरावरच ना ? म्हणून समर्थ म्हणतात..

उदंड बाजार मिळाले । परी ते धूर्तचि आळिले ।।

धूर्तापासी काही न चाले । बाजाऱ्यांचे ।।

भावार्थ - बाजारबुणगे जरी संख्येनं बरेच असले, तरी धूर्त म्हणजे चतूर माणूस त्यांना ताब्यात ठेवतो. धूर्तापुढे त्या अलबत्या गलबत्त्यांचे काहीएक चालत नाही.

 

 सौजन्य:- http://www.marathimati.com   

श्री. क्षेत्र खंडेराय

दि. १४-११-२०१२ या दिवशी आम्ही श्री. क्षेत्र खंडेराय इथे भेट दिली होती. बदलापूर पश्चिम इथून एस. टी. बस ची सुविधा उपलब्ध आहे. मुळगाव ला जाणारी कोणतीही बस पकडू शकता. बस मधून उतरल्यावर रस्ता गावातून डोंगराच्या पायथ्याशी घेऊन जातो. तिथून मग पायऱ्या सुरु होतात त्या तुम्हाला मंदिराकडे घेऊन जातात. पायर्या जवळ जवळ दोनशे आहेत, पण तसे बघितले तर एक पायरी दोन पायर्यांच्या अंतरेवढी आहे.    वरून मंदिराच्या परिसरातून बारावी धारण, कानोर गाव व सोनार गावाचे दर्शन घडते. 

कमी घनता असलेले देश

कमी घनता असलेले देश

ऑस्ट्रेलियादेश एक चौ.कि.मी. जागेतील
लोकसंख्या
मंगोलिया २
नांबिया २
ऑस्ट्रेलिया ३
बोत्सवाना ३
आइसलॅण्ड ३
सुरीनाम ३
लिबिया ३
मॉरिटानिया ३
कॅनडा ३
गुयाना ४

आठवी खिडकी

जगभरातील तमाम टेक प्रेमी ज्या गोष्टीची आतुरतेने वाट बघत होते ती मायक्रोसॉफ्टची विंडोज ८ही संगणकप्रणाली लवकरच सादर होणार आहे
गेल्या वीस वर्षापासून जगातील ९० टक्के संगणक प्रेमींचे आजही मायक्रोसॉफ्टची विंडोजवर जीवापाड प्रेम आहे त्यामुळे जगातील कोणतीच दुसरी संगणक प्रणाली अजूनही मायक्रोसॉफ्टची विंडोज चे स्थान घेऊ शकली नाही. जसे शाळेत गेल्यावर लहान मुलगा अ ब क ची बाराखडी सर्वात पहिले शिकतो अगदी तसंच कोणीही संगणक वापरायला लागल्यावर सर्वात पहिले मायक्रोसॉफ्टची विंडोज, वर्ड, एक्सल, पहिले शिकतो म्हणजेच संगणकाची पहिली पायरी ही मायक्रोसॉफ्टची विंडोजनेच सुरू होते आणि हेच मायक्रोसॉफ्टची विंडोज चे सर्वात मोठे यश आहे. जगातील कोणतेही सोफ्टवेअर सर्वात पहिले मायक्रोसॉफ्ट विंडोजसाठी लिहिले जाते मायक्रोसॉफ्टची विंडोज ८ ही संगणकप्रणालीचे सर्वात महत्वाचे वैशिष्ट्य म्हणजे ही संगणक प्रणाली युनिव्हर्सल प्रणाली असणार आहे म्हणजेच संगणक, मोबाईल, आणि टॅबलेट या सर्व डिजीटल गोष्टीवर ही प्रणाली चालणार आहे.
५. इतर वैशिष्ट्ये - विंडोजसाठी वेगवेगळे सॉफ्टवेअर डाऊनलोड करता येऊ शकतात
- पिक्चर पासवर्डची सोय
- USB ३.० ची सोय
- संगणक रिफ्रेश करण्यासाठी वेगळी सोय
- चागले गेम्स चांगला आणि सोप्पा युसर इंटरफेसएका दगडात अनेक पक्षीमायक्रोसॉफ्ट विंडोज ८ द्वारे एका दगडात अनेक पक्षी मारणार आहे एकीकडे त्यांना मोबाईल मार्केट मधील अन्द्रोईड आणि गुगल चे स्थान कमी करायचे आहे तर दुसरीकडे त्यांना सरळ सरळ ऍपलला आपल्या नवीन टॅबलेट सरफेस ने आव्हान द्यायचा प्रयत्न करायचा आहे, आणि मायक्रोसॉफ्ट सरफेस ची वैशिठे बघितल्यावर असे वाटत आहे कि कदाचित ऍपलला आपल्या क्रांतिकारी आय-प्याड मध्ये काहीतरी मोठे बदल करावे लागतील नाहीतर संगानकाप्रमाणेच मायक्रोसॉफ्ट विंडोज ८ द्वारे टॅबलेट मध्ये पण आपला झेंडा रोवू शकतो.
विंडोज ८ ची वैशिष्ट्ये- युनिव्हर्सल प्रणाली : संगणक, मोबाईल, आणि टॅबलेट ही सर्व डिजीटल गोष्टीवर ही प्रणाली चालणार आहे
- टच स्क्रीनची मजा : आता तुम्ही संगणकवर देखील टच स्क्रीनची मजा लुटू शकता आणि हे विंडोज ८ चे सर्वात मोठे किलर वैशिष्ट्य आहे, त्याचबरोबर मोबाईल, आणि टॅबलेट या सर्व डिजीटल गोष्टीवरदेखील आपल्याला टच स्क्रीनची मजा मिळू शकेल.
- इंटरनेट एक्स्प्लोरर १० : विंडोज ८ मध्ये मायक्रोसॉफ्टचे नवीन इंटरनेट एक्स्प्लोरर १० चा समावेश करण्यात आला आहे हे इंटरनेट ब्राऊजर अतिशय वेगवान आणि सुरक्षित आहे व इंटरनेट एक्स्प्लोरर १० मुळे आपला इंटरनेट वापराचा आनंद द्विगुणित होणार आहे.
- टाइल्स ची मजा : मोबाईल प्रमाणेच आता विंडोज ८ मध्ये टाइल्स देण्यात आल्या आहेत ज्याचा वापर करून तुम्ही कोणताही प्रोग्राम थेट त्या प्रोग्रामच्या टाइल्सवर क्लिक करून वापरू शकता.

सौजन्य:- फुलोरा, सामना ०६१०२०१२

कॉम्प्युटर म्हणी......

कॉम्प्युटर म्हणी......

चार दिवस हार्डडिस्कचे चार दिवस सी.डी.चे!
- (नेटवर्किंगमध्ये) सेलेरॉनशेजारी पेंटियम बांधला, स्पीड नाही पण व्हायरस वाढला!
- सीडींचा बाजार, व्हायरसांचा सुकाळ!
- वरून पेंटियम आतून फोर-एट-सिक्स!
- हार्डडिस्कमध्ये नाही ते फ्लॉपीत कोठून येणार!
- घरोघरी मायक्रोसॉफ्टच्याच विंडो!
- सॉफ्टवेअर नको पण व्हायरस आवर!
- हा मदरबोर्ड नि हा प्रोसेसर!
- मंदाळ डॉट-मॅट्रिक्सला खडखडाट फार!
- यथा ऑपरेटर तथा कॉम्प्युटर!

सौजन्य:- फुलोरा, सामना २९०९२०१२

पृथ्वीचे प्रेमगीत

सर्वात उष्ण, थंड, ओलसर व कोरडे प्रदेश

दलोल, देनाकिल डिप्रेशन, इथिओपिया,
- सर्वात उष्ण प्रदेश : दलोल, देनाकिल डिप्रेशन, इथिओपिया, वार्षिक सरासरी तापमान (९३.२०F, ३४०C)
- सर्वात थंड जागा : पहाडी मैदान (प्लॅटियू), अंटार्क्टिका, वार्षिक सरासरी तापमान (-५६.७०C)
- सर्वात कोरडी/ शुष्क जागा : अटाकामा (डिजर्ट), रेगिस्तान, चिली
इथे वर्षात कधीही पाऊस पडतो. विशेष असा कालावधी सांगता येत नाही.
सर्वात ओलसर पावसाळी जागा : मॉसिनराम, आसाम, हिंदुस्थान. वार्षिक सरासरी पाऊस (११,८७३ मिलिमीटर, ४६७.४")

सौजन्य :- फुलोरा, सामना २९०९२०१२

ई-स्टोअरेज

आज आपल्याकडे संगणकातील किंवा कोणत्याही डिजिटल उपकरणातील ‘डेटा’ अर्थात ‘माहिती’ साठवून ठेवण्यासाठी असंख्य पर्याय उपलब्ध आहेत. आल्याकडील माहिती किंवा टेटा हा कोणत्याही स्वरूपात असू शकतो. डेटा किंवा माहिती ही मुख्यत्वे तीन प्रकारे विभागली गेली आहे व ती म्हणजे वैयक्तिक किंवा कार्यालयीन माहिती असे वर्ड/एक्सेल/पॉवरपॉईंट किंवा पीडीएफ व इतर प्रकारची माहिती, मीडिया माहिती जसे गाणे, व्हिडीओ किंवा डिजिटल कॅमेरा किंवा तत्सम माहिती व व्हॉईस व इतर जसे विविध व्हॉईस रेकॉर्डिंग्स किंवा आवाजसदृश इतर डेटा ही सर्व माहिती साठवण्यासाठी आपण संगणकातील हार्ड डिस्क, सीडी किंवा डिव्हीडी रोम, पेन ड्राईव्ह किंवा अगदी मोबाईलमधील मेमरी कार्ड अशा असंख्य गोष्टींचा वापर करतो. पारंपरिक प्रकारचा डेटा साठवण्याच्या पद्धतीमध्ये कोणतेही वेगळे साधन घेण्यासाठी पैसे खर्च करावे लागतात व त्याचबरोबर पारंपरिक डेटा स्टोअरेज पद्धतीमध्ये अनेक तोटेदेखील आहेत, जसे जर आपला संगणक किंवा मोबाईल अचानक क्रॅश झाला तर आपली सर्व महत्त्वपूर्ण माहिती ‘वॉश ऑऊट’ अर्थात नाहीशी होण्याची शक्यता असते व ही माहिती काहीही असू शकते ती तुमची महत्त्वाची कागदपत्रेदेखील असू शकतात किंवा तुम्ही तुमच्या कुटुंबासमवेत सहलीला गेलेल्या सुंदर ठिकाणाचे फोटो अगदी अनेक वर्षांच्या अथक प्रयत्नांची आपल्या आवडीच्या गाण्यांच्या कलेक्शनचा केलेला संच व एकदा का ही माहिती नाहीशी झाली की मात्र ती परत मिळण्याची सुतराम शक्यता नसते. अशा सर्व अनेक अडचणींवर ‘ई-स्टोरेज’ हा सर्वोत्तम पर्याय आहे.
ई-स्टोरेजचे फायदे
- ई-स्टोअरेज म्हणजे आपली महत्त्वपूर्ण माहिती. मग ती कोणत्याही स्वरूपातील असो ती इंटरनेटचा वापर करून ई-स्टोअरेज पुरवणार्‍या कोणत्याही संकेतस्थळावर साठवून ठेवणे. ई-स्टोअरेज पुरवणारी शंभराहूनही अधिक अतिशय चांगली संकेतस्थळे सध्या इंटरनेटवर उपलब्ध आहेत जिथे आपण अगदी क्षणार्धात आपला डेटा स्टोअर करू शकतो व त्यासाठी काहीही पैसे खर्च करायची गरज पडत नाही.
- ई- स्टोअरेजचा सर्वात महत्त्वाचा फायदा म्हणजे आपण कोणत्याही संकेतस्थळावर साठवून ठेवलेली माहिती कधीही व कुठेही म्हणजेच जगातील कोणत्याही ठिकाणी वापरू शकतो व त्यासाठी आपणास फक्त इंटरनेटची गरज असते. म्हणजेच जर आपण सुट्टीसाठी बाहेरगावी गेला आहात व आपणास आपल्या घरातील संगणकावरील एखादी फाईल हवी असेल व ती फाईल आपण ई-स्टोअर केली असेल तर फक्त इंटरनेटवरून ती फाईल डाऊनलोड करून आपण ती वापरू शकतो.
- ई-स्टोअरेजमधील अजून एक महत्त्वपूर्ण वैशिष्ट म्हणजे आपण आपला डेटा बॅकअप, डिलीट, दुसरीकडे मुव्ह, कॉपी आणि महत्त्वाचे म्हणजे शेअर अर्थात आपली माहिती फक्त आपणा व्यतिरिक्त दुसरे कोणीही वापरू शकत नाही अशा प्रकारची सुरक्षिततादेखील देऊ शकतो.
- इनक्रिप्शन/डिक्रिप्शन तंत्रज्ञानाचा वापर करून आपण अगदी प्रत्येक फाईल किंवा फोल्डरला सुरक्षित असा पासवर्डदेखील देऊ शकतो. त्यामुळे आपणा व्यतिरिक्त आपला डेटा कोणीही वापरू शकत नाही. त्याचबरोबर ‘मॅनेज बडी’ नावाच्या प्रकारात आपण आपल्याच ओळखीच्या लोकांना आपल्या डेटा वापरण्यास परवानगी देऊ शकतो.
- ई-स्टोअरेजमुळे आपणास आपल्या माहितीची काळजी करावयाची गरज पडत नाही. कारण ई-स्टोअर सेवा पुरवणार्‍या सर्व संकेतस्थळाकडे परिपूर्ण अशी बॅकअप सुविधा असते व आपली माहिती अनेक ठिकाणी स्टोअर केली जाते. म्हणजेच जरी संकेतस्थळामधील एखाद्या ठिकाणावरील डेटा खराब किंवा ‘वॉश आऊट’ झाला तरी त्याचा व्यवस्थित बॅकअप असल्यामुळे आपला डेटा सुरक्षित असतो. बहुतांशी संकेतस्थळे अगदी १०० जीबीपर्यंत आपल्याकडील डेटा स्टोअर करण्याची सुविधा देतात.

मायक्रोसॉफ्ट स्काय ड्राईव्ह
मायक्रोसॉफ्ट स्काय ड्राईव्हवर आपण २५ जीबी डेटा स्टोअर करू शकतो व तो शेअरदेखील करू शकतो. जर आपणाकडे hotmail किंवा live.com चा ई-मेल ऍड्रेस असेल तर आपण तत्काळ ही सुविधा वापरू शकतो. अन्यथा आपणास http://skydrive.live.com या मायक्रोसॉफ्टच्या संकेतस्थळावर नोंदणी करावी लागेल.

http://www.flickr.com

ही देखील फोटो स्टोअर व शेअर करणारी लोकप्रिय संकेतस्थळे आहेत.
Rapiodshare.com

डेटा शेअरिंगमधील सर्वात जास्त वापरले जाणारे संकेतस्थळ म्हणजे रॅपीड शेअर.

http://myotherdrive.com
या संकेतस्थळावर आपण फोटो, गाणी तसेच व्हिडिओ स्टोअर व शेअर करू शकतो.

http://b2.crashplan.com

आपल्या संगणकातील संपूर्ण डेटा ऑनलाइन बॅकअप करण्यासाठी इंटरनेटवरील हे एक सर्वोत्तम संकेतस्थळ आहे.

www.mp3tunes.com

आपल्याकडील श्झ्३ गाणे इंटरनेटवर स्टोअर व शेअर करणारे हे संकेतस्थळ आपणास आपली स्टोअर केलेली गाणी कोणत्याही डिजिटल उपकरणावर डाऊनलोड करण्याचे अनोखे वैशिष्ट्यदेखील पुरवते.

गुगलचे पिकासा फोटो असेच व्हिडिओ शेअरिंगमधील अग्रणीय संकेतस्थळ आहे.

सौजन्य :- फुलोरा, सामना २९०९२०१२

ती परी अस्मानीची

ती परी अस्मानीची
ती परी अस्मानीची
डोळे तिची सळसळती माशांची जोडी
ओठ तिचे संत्र्यांच्या रसरसत्या फोडी
गालावर थरथरते साय दुधाची
अंगावर चव धरते गोड मधाची

ती परी अस्मानीची
ती परी अस्मानीची
हे बघ नि ते बघ हृदयात गडबड होते
हसते तेवा भवतीचे सारे भिरभिरते
वळते तेवा बगळ्यांच्या उडती शुभ्र माळा
सप्तरंगी इंद्रधनू येत असे आभाळा
ती परी अस्मानीची
ती परी अस्मानीची

सौजन्य :- ई मेल फोरवर्ड 

आकाराने छोटे असे देश

व्हॅटिकन सिटी ०.१७ चौ.मैल (०.४४ चौ. कि.मी.)
मोनॅको ०.७५ चौ.मैल (१.९५ चौ. कि.मी.)
नॉरू ८.२ चौ.मैल (२१.२ चौ. कि.मी.)
टवालू १० चौ.मैल (२६ चौ. कि.मी.)
सॅन मारिनो २४ चौ.मैल (६१ चौ. कि.मी.)
लिंचेस्टिन ६२ चौ.मैल (१६० चौ. कि.मी.)
सेशेल्स १०४ चौ.मैल (२७० चौ. कि.मी.)
मालदीव ११६ चौ. मैल (३०० चौ. कि.मी.)
सेंट किटस् आणि नेविस १३९ चौ. मैल (३६० चौ. कि.मी.)

सौजन्य :- फुलोरा, सामना ०८०९१२

जगातील टॉप १० उंच शिखरे

माऊंट एव्हरेस्ट २९,०३५ फूट (८,८५० मीटर) नेपाळ/चीन

क्वोगीर स २८,२५० फूट (८,६११ मीटर) पाकिस्तान
कांगशेंजुंगा २८,१६९ फूट (८,५८६ मीटर) नेपाळ
होत्से २७,९२० फूट (८,५०१ मीटर) नेपाळ
मकालू एक २७,७६५ फूट (८,४६२ मीटर) नेपाळ
चो ओयू २६,९०६ फूट (८,२०१ मीटर) नेपाळ
धौलागिरी २६,७९४ फूट (८,१६७ मीटर) नेपाळ
मन्सालू एक २६,७५८ फूट (८,१५६ मीटर) नेपाळ
नांगा पर्बत २६,६५८ फूट (८,१२५ मीटर) पाकिस्तान
अन्नपूर्णा एक २६,५४५ फूट (८,०९१ मीटर) नेपाळ

सौजन्य:- फुलोरा, सामना 180812

आई तुझे लेकरू आज खूप एकटे पडले...

आई तुझे लेकरू आज खूप एकटे पडले
तुझ्या स्पर्शासाठी ते खूप आज रडले !!
तुझ्या मायेच्या सागराने मला
कधी वादळ तर कधी किनारे दाखवले !!

तुझ्याच छायेत माझे घर असू दे
असे नेहमीच वाटायचे
तू जवळ नसताना मनात काहूर माजायचे !!

आज तुला सोडून मी जगायला शिकतोय
एकटे पडलो इथे सगळेच मला डिवचतात !!
सांगायची तू कथा मी अर्थ आज जाणतोय
नसतो कुणी आपले हे मी खरचं पहातोय !!

जवळ करतात इथे आणि दरीमध्ये सोडतात
जीव कधी जाईल ह्याची ते वाटच पाहतात !!
आई मला घे जवळ मला सोबतच राहू दे
तुझ्याच डोळ्यांनी हे जग मज पाहू दे !!

धन्य झालो मी जी तू मला भेटलीस
असे वाटतं देवांशीच मैत्री मी गाठली .... !!

 सौजन्य:- http://meekbhartiy.blogspot.in/2012/08/blog-post_2968.html