शुक्रग्रह

आपल्या सूर्यमालेतील ‘शुक्र’ हा अंतग्रह सूर्याभोवती साधारण वर्तुळाकार १.०८ दशलक्ष किलोमीटर त्रिज्येच्या कक्षेत भ्रमण करतो. त्याचे पृथ्वीपासून अंतर जास्तीत जास्त ५० दशलक्ष किलोमीटर तर कमीत कमी ४२ दशलक्ष किलोमीटर एवढं असतं. यामुळे शुक्राचा दृश्य आकार ९ सेकंदांपासून ६८ सेकंदांपर्यंत बदलत असल्याचे लक्षात येते. ग्रहाभोवती साधारण ८० किलोमीटर जाडीचे वातावरण असल्याने त्याच्या पृष्ठभागावरील हवेचा दाब पृथ्वीवरील हवेच्या दाबापेक्षा ९० पट जास्त असतो. अशा जड वातावरणामुळे ग्रहाचा पृष्ठभाग प्रकाशकीय दुर्बिणीने दिसत नाही. शुक्रावर पडणार्‍या सूर्यप्रकाशाचा ७६ टक्के भाग वातावरणाने परावर्तीत होत असल्याने शुक्राची चांदणी तेजस्वी दिसते. हा ग्रह सूर्याच्या जवळ असल्याने आणि वातावरणातील मोठ्या प्रमाणातील कार्बनडाय ऑक्साईडमुळे तेथे हरितगृह परिणाम फारच प्रभावी आहे. 

सौजन्य :- फुलोरा सामना ०७१२१३