आपली बारा त्याचे एक...

गुरूची घनता सरासरीने पृथ्वीच्या चतुर्थांश आहे. पृथ्वीच्या दोन अक्षप्रदक्षिणा जेवढ्या काळात होतात तेवढ्या काळात गुरूच्या पाच अक्षप्रदक्षिणा होतात. यामुळे गुरूवरील दिवस आपल्या ९ तास साडेपच्चावन्न मिनिटांएवढा आहे, परंतु त्याचे वर्ष फार मोठे आहे. आपली बारा वर्षे होतात तेव्हा त्याचे कुठे एक वर्ष होते. सूर्यापासून पृथ्वीच्या पाचपट अंतरावर गुरू आहे. त्याचा दक्षिणोत्तर व्यास पूर्वपश्‍चिम व्यासापेक्षा सुमारे ५ हजार मैल कमी आहे. त्यामुळे याचा आकार ध्रुवाकडे किंचित चपट आहे. गुरूवर विषुववृत्ताशी समांतर असे काही पट्टे आहेत की ते चकचकीत दिसतात. विषुववृत्तावरच एक चकचकीत पट्टा दिसतो. त्याचा रंग तांबूस दिसतो. काही वेळा त्यात जांभळ्या रंगाची झळाळी मारते. हे पट्टे त्याच्या ध्रुवापर्यंत गेले आहेत.

सौजन्य :- फुलोरा, सामना २९१२१३