बदलापूरची सुरक्षा रामभरोसे

बदलापूर = अदला बदली. कोणाची ? ? पूर्वी शिवाजी महाराज मोहिमेवर निघताना बदलापूरला विश्रांती करत असत व इथे घोड्यांची अदला बदली केली जायची, त्यामुळे बदलापूर हे नाव पडले.

मुंबई, ठाणे, डोंबिवलीनंतर बदलापूर शहराचा सांस्कृतिक आणि शैक्षणिक स्तर उंचावू लागला असतानाच शहराची लोकसंख्या कल्पनेपेक्षाही वाढू लागली आहे. वाढते काँक्रीटचे जंगल, पूर्व व पश्चिम जोडणाऱ्या स्कायवॉकची प्रतीक्षा, मैदानांची वानवा, पाण्याची टंचाई या समस्या सोडविण्यात पालिका अपयशी ठरत असतानाच अद्ययावत अग्निशमन केंद आणि डिझास्टर मॅनेजमेंटची सुविधाच नसल्याने बदलापूरकरांची सुरक्षा रामभरोसेच आहे.

रेल्वे स्कायवॉक कधी जोडणार?
स्कायवॉक पूर्ण होऊन अनेक महिने लोटले तरी पूर्व-पश्चिम जोडणारा स्कायवॉक कधी होणार?, याची बदलापूरकर वाट पाहत आहेत. फेब्रुवारीमध्ये टेंडर काढून स्कायवॉक जोडणीचे काम सुरू होईल, अशा आशयाची पत्रके पालिकेने शहरात सर्वत्र वाटली. परंतु मे महिना संपत आला तरी याबाबत कसलीच हालचाल दिसत नाही. कोट्यवधी खर्चून तयार झालेला हा स्कायवॉक सामान्य बदलापूरकर वापरत नसले तरी प्रेमीयुगुलांसाठी मात्र ते हक्काचे ठिकाण झाले आहे.
महागडे पाणी
शहरात उभ्या राहणाऱ्या आणि आकर्षक सुविधा देणाऱ्या बहुमजली कॉम्प्लेक्समध्ये मुबलक पाणी मिळत असताना शहरातील अन्य भागांत मात्र पाण्यासाठी वणवण करावी लागते. मुंबईपेक्षा महागड्या भावाने पाणी विकत घेऊनही शहराला मागणीप्रमाणे पुरेशा दाबाने पुरवठा होत नाही. पाणी साठवून त्याचा योग्यप्रमाणे विनियोग करणारी यंत्रणाच महाराष्ट्र जीवन प्राधिकरणाकडे नाही. आजच्या घडीला संपूर्ण शहरात पाच हजार फ्लॅट्स तयार आहेत तर तेवढेच फ्लॅट्स तयार होत आहेत. असेच मोठमोठे प्रकल्प शहरभर उभे रहात आहेत. भविष्यात पाण्याची ही समस्या उग्र स्वरूप धारण करू शकते.

वैद्यकीय सेवा नाही
संपूर्ण शहरात वैद्यकीय सेवा महागडी ठरत असताना सर्वसामान्यांसाठी आवश्यक असलेली सरकारी वैद्यकीय सेवा पुरेशा प्रमाणात मिळत नाही. पालिकेच्या शेजारी असलेल्या सी. एस. दुबे हॉस्पिटलला सिव्हिल हॉस्पिटलला दर्जा देण्यात आला आहे. शिवाय या हॉस्पिटलला शहर आणि ग्रामीण या दोन्हींसाठी मान्यता मिळाली आहे. असे असले तरी या हॉस्पिटलमध्ये इमर्जन्सी वॉर्ड, कॅज्युअल्टी विभागाची सोय नाही. येथे केवळ एमबीबीएस डॉक्टर आहेत. एमएस किंवा एमडी या दर्जाचे तज्ज्ञ डॉक्टर येथे नाहीत. एखादा अपघात घडल्यास त्यासाठी उल्हासनगरच्या सिव्हिल हॉस्पिटलला जावे लागते. तर खासगी हॉस्पिटले सर्वसामान्यांच्या आवाक्याबाहेरची आहेत.

डम्पिंग ग्राऊंडसाठी कायमस्वरुपी जागा नाही
अंबरनाथप्रमाणे बदलापूर शहरातही कायमस्वरुपी डम्पिंग ग्राऊंड नाही. पूवीर् पनवेलकरांच्या खदानीत डम्पिंग ग्राऊंड होते. तिथून ते नवीन अंबरनाथ येथे हलविले असले तरी त्या गावाचा या डम्पिंगला तीव्र विरोध आहे. काही दिवसांत हे डम्पिंग नवीन ठिकाणी पुन्हा हलविले जाऊ शकते. शहरातील प्रभागवार कचराकुंड्या बहुतेक ठिकाणी साफ दिसत असल्या तरी काही ठिकाणी अगदी त्याउलट चित्र दिसते. मुख्य रस्त्यावरील कचराकुंड्या मात्र ओसंडून वाहताना दिसतात.

रस्तेदुरुस्तीची कूर्मगती
पावसाळा तोंडावर आला तरी शहरातील रस्तेदुरुस्तीची कामे अतिशय कूर्मगतीने सुरू आहेत. पाण्याचा निचरा होण्यासाठी रस्त्याच्या दोन्ही बाजूने गटारे असणे आवश्यक आहे, मात्र अनेक ठिकाणी ती अस्तित्वातच नाहीत. अनेक ठिकाणी तर अशा गटारांवरील सिमेंटची झाकणेच त्या गटारात पडलेली दिसतात. त्यामुळे अशा उघड्या पडलेल्या गटारांमध्ये माणसे आणि गुरे पडण्याच्या घटनाही घडल्या आहेत. पालिकेसाठी सर्वात महागडा आणि वादग्रस्त ठरलेला 'अंडरग्राऊंड ड्रेनेज पाइपलाइन' या प्रकल्पाअंतर्गत संपूर्ण शहरात अनेक ठिकाणी खोदण्यात आलेले रस्ते अद्यापही दुरुस्त झालेले नाहीत.

डिझास्टर मॅनेजमेण्ट हवे
बदलापूर पश्चिमेला बॅरेज वॉटर सप्लाय आणि नदीचे पाणलोट क्षेत्र असल्यामुळे केव्हाही पूर परिस्थिती निर्माण होऊ शकते. प्राणहानी आणि वित्तहानी टाळण्यासाठी या क्षेत्रात मोठ्या प्रमाणात जनजागृती होणे आवश्यक आहे. मात्र यासाठी पालिकेकडे डिझास्टर मॅनेजमेण्ट (पर्यायी यंत्रणा)ची सुविधाच नाही. त्यामुळे सुरक्षेच्या बाबतीतील पालिकेची अनास्थाच यातून दिसून येते.
मैदानांची वानवा
बदलापूरकरांमध्ये भरपूर गुणवत्ता असूनही त्यांच्यासाठी अनेक सुविधाही शहरात नाहीत. इनडोअर गेम्ससाठी येथे खूप पर्याय आहेत. मात्र आऊटडोअर खेळांसाठी मैदानेच नाहीत. आदर्श कॉलेजचे मैदान सोडल्यास शहरात मैदाने नाहीत. त्यामुळे शहरातील मोकळ्या जागा केवळ नव्या इमारतींसाठीच राखीव आहेत की काय, असा प्रश्न सामान्य बदलापूरकरांना वाटतो.

दुर्लक्षित अग्निशमन केंद
शहरात सर्वत्र उंच इमारती उभ्या रहात असताना सुरक्षेच्या दृष्टीने महत्त्वाचे असलेले नगरपालिकेचे अग्निशमन केंद दुर्लक्षितच राहिले आहे. शहरात कोणतीही दुर्घटना घडल्यास एकच गाडी सर्वत्र धावते. उंच वाढणाऱ्या इमारतींच्या सुरक्षेसाठी कोणतीही अद्ययावत यंत्रणा नाही. शहराच्या एका टोकाला असलेल्या या केंदाबाबत सर्वच स्तरातून कमालीची उदासीनता दिसून येते. बदलापूर पश्चिमेला अग्निशमन केंदासाठी मंजुरी मिळूनही ते घोंगडे जागेअभावी भिजते आहे. मोठी घटना घडल्यास त्यासाठी मीरा-भाईंदर पासून अग्निशमन गाड्या बोलाविल्या जातात.
एकच तलाव शिल्लक
एकेकाळी बदलापुरात १० तलाव होते. मात्र आता शहरात केवळ एकच तलाव आपले अस्तित्व टिकवून आहे. स्टेशनजवळच्या महालक्ष्मी तलावाचे सुशोभिकरण झाले, तिथेच शहीद स्मारकही उभारले गेले. मात्र या ठिकाणी संध्याकाळी प्रेमी युगुलांची गदीर् असल्याने कुटुंबवत्सल सामान्यजनांना येथे फिरणे कठीण जाते. टाटांच्या वीज लाइनखाली मोकळ्या जागेत जॉगर्स पार्क, निसर्ग उद्याने, ज्येष्ठांसाठी बागा बनविल्या जात आहेत, हीच काय ती समाधानाची बाब!
पक्के माकेर्ट नाही

अस्ताव्यस्त वाढणाऱ्या या शहरात कुठेही पक्के माकेर्ट नाही. मच्छी माकेर्ट नाही. शहराच्या वेगवेगळ्या भागात आपल्या मजीर्नुसार अनेकजण भाजी विकताना दिसतात. पूवीर् स्टेशनरोडवर फेरीवाले बसायचे. या फेरीवाल्यांना कोणतीही सुविधा नसणाऱ्या एका मोकळ्या जागेवर बसण्यास सांगितल्यानंतर त्यांनी या जागेलाच रामराम ठोकला. पूवेर्ला माकेर्टच्या इमारतीचे बांधकाम रखडले होते. ते आता सुरू झाले आहे. मात्र ते भाजीवाले तेथे जातील का, हा मुख्य प्रश्न आहे. सध्या तरी या भाजीवाल्यांनी रेल्वेफाटकासमोरच्या रस्त्यावर आपला मुक्काम ठोकला आहे.
 
सौजन्य:- SHAILESHCHAKATTA.BLOGSPOT.COM