‘माडाच्या झावळ्यांचे हॉटेल’ म्हणजे सुंदरवाडीतील मालवणी ‘चव’ भालेकरांचे ‘श्री महालक्ष्मी भोजनालय!’ शाकाहारी जेवणाबरोबर मांसाहार आणि मनसोक्त मासे खाण्यासाठी गोव्यातील ही खवय्ये या हॉटेलमध्ये येतात. 
मुंबई-पुणे येथील चाकरमान्यांच्या पसंतीला उतरलेल्या या ‘भालेकरांच्या खानावळी’तील स्वच्छता आणि घरगुती पद्धतीच्या जेवणाला खवय्ये पसंत करतात. फिश थाली, बांगडा थाली, प्रोन्स फ्राय, पापलेट थाली, तिसरे जेवण, मोरी मटण, बकरा मटण याशिवाय शुद्ध शाकाहारी जेवणात बटाटा अथवा वांग्यांची फ्राय काप शाकाहारींच्या पसंतीला उतरते. शाकाहारीत तर पालेभाजीसाठी आधी आर्डर द्यावी लागते. फॅमिलीसह मनसोक्त पेटपूजा करण्यासाठी या हॉटेलमध्ये गर्दी होते.
सावंतवाडी-बेळगाव-कोल्हापूर मार्गावरील हे महालक्ष्मी भोजनालय दुपारी १२ वाजल्यापासून ४ वाजेपर्यंत फुल्ल असते. चपाती-मटण सोबत सोलकढीचे ग्लास घेऊन खवय्यांना ‘मिनी लंच’ घेता येते. आवडेल ते खाण्यासाठी ‘महालक्ष्मी भोजनालय’मध्ये पार्सलची सोय आहे. पावसाळ्यात जून ते ऑगस्टमध्ये खाडीचे फिश-सुखा, शेतकं तांबोशी, काळुत्रे आदी मासे मिळतात.
बिसलरी पाण्याच्या तोडीचे विहिरीचे पाणीही या हॉटेलमध्ये मिळते. रविवार, बुधवार, शुक्रवारी ही जेवण थालीचा दर तोच असतो. ६० रुपयांपासून ३०० रुपयांपर्यंत फिश थाली मिळते. ३०० रुपयांच्या थालीत फिशला किमान ६ जणांना तृप्त होता येते.
सौजन्य:- हरिश्‍चंद्र पवार, फुलोरा, सामना २४०८१३
No comments:
Post a Comment