एच डी एफ सी फंडामेंटल डिफेक्ट

एच डी एफ सी कर्ज ची कागदी कारवाई पूर्ण केल्यावर आम्हाला इन्शुरन्स वाल्याकडे पाठवण्यात आले. त्यांनी सर्व समजावले. पण मुळात मलाच पटले नव्हते, इ एम आय भरा, परत दरमहा इन्शुरन्स भरा. म्हणून, आम्ही नकार दिला. व त्यानंतर जमेल तसे फिक्स्ड डिपॉजिट ठेवायला सुरुवात केली. आम्हाला माहित होते, आय डी बी आय मध्ये मॅच्युरिटी दिवशी एफ डी ऑटोमॅटिक क्रेडिट येतो, जर ऑटो क्लोजर ऑपशन सिलेक्ट केले तर. म्हणून एच डी एफ सी मध्ये पण तोच ऑपशन सिलेक्ट केला.

आम्हाला आमच्या कर्ज रकमेएवढी एफ डी बनवायची होती, पण मधेच जी एस टी आला आणि सर्व अकाउंटंट ना त्याने स्क्रॅप करून टाकले. सर्व अकाउंटंट चा अनुभव एका रात्रीत झिरो करून टाकला. मी अनएम्प्लॉईड आहे. आता सर्व सीए च बघतात. त्यामुळे आमची एफ डी चैन पण खंडित झाली.

त्यातील पहिला एफ डी मॅच्युरिटी दिवशी ऑटो क्लोजर ऐवजी ऑटो रिन्यू मध्ये गेला व रिन्यू झाला. मग, मात्र सटकली, शेयर मार्केट मधील तज्ज्ञ सांगतात हि कंपनी फंडामेंटली मजबूत आहे, आणि बघा हा केवढा मोठा फंडामेंटल डिफेक्ट घडला आमच्या बरोबर.  आणि सर्वात मोठा डिफेक्ट म्हणजे ऑनलाईन लॉगिन मध्ये "रिपेयमेन्ट ऑफ डिपॉजिट" हा ऑपशन च नव्हता. मग काय दिलं बाळकडू.  बघा हा ई-मेल.😠

आणि, त्यानंतर कालच आम्हाला समजले कि, एच डी एफ सी ने आय डी बी आय प्रमाणे "रिपेयमेन्ट ऑफ डिपॉजिट" व ऍक्सिस प्रमाणे "प्री मॅचुर विथड्रॉव्हल" हा ऑपशन पण आता दिला आहे. बघा स्क्रीनशॉट. ह्याला म्हणतात सँडी-एक ग्राहकाची पॉवर.  💪

After completing the Paper procedure of HDFC Loan, they had sent us to the Insurance Advisor. We have heard the entire scheme, but our mind was not ready for paying Insurance per month alongwith the EMI. Hence, we denied. And started investing in FD's. We were aware that on maturity FD gets auto credit to our Bank if we select 'Auto Closure Option' as we were receiving it in IDBI.

We wanted to make the FD amount equal to our Loan amount. But, in one night GST has scraped all Accountants and their experiences. Now, CA's only see everything. I am jobless and Hence, our FD chain is also being stopped.

Our first maturing FD has gone to "Auto Renew" instead of "Auto Closure". The share market experts says that HDFC Ltd. is fundamentally good Company. But, this fundamental defect has been happened with us. Also, there were no option to close the FD from our online Login. Then our mind got angry and Hence, we have feedbacked to them. See email.😠

And, yesterday Only we came to know that HDFC has provided "Repayment of Deposit" option like IDBI and also "Pre mature Withdrawal" option like axis in an Online Login. See the screenshot.   💪

पितृ पंधरवडा

नवरात्र ९ दिवस असते, गणपती १० दिवस असतात पण पितृपक्ष 'पंधरवडा' (१५ दिवस) असतो. तरीही बऱ्याच जणांकडून तो दुर्लक्षित रहातो. कारण मृत्यूपश्चात असलेल्या अस्तित्त्वावर त्यांचा विश्वास नसतो.

पृथ्वीच्या दक्षिणेला 'पितर' लोक असतो व त्याची देवता अर्यमा असते. आपल्या पितरांना चांगली गति मिळावी म्हणून पुत्राने 'श्राध्दकर्म' करावयाचे असते. पुत्र या शब्दाचा अर्थच "पुं" नावाच्या नरकापासून तारतो तो पुत्र. देह सोडल्यानंतरचा जिवाचा प्रवास सुखकर व्हावा, त्याला नरकात जावे लागू नये म्हणून सर्वपितरी अमावस्येला अपराण्ह काळी (दुपारी बारा वाजता) तज्ञ ब्राह्मण जो श्राध्दविधी करतात तो अत्यंत शास्त्रोक्त असतो. ह्या विधीकडे दुर्लक्ष करू नये.

श्री गुरुचरित्रांतील छत्तीसाव्या अध्यायात पितर कसे येतात व अन्नग्रहण करतात ते सविस्तर दिले आहे. दशरथ राजांच्या श्राध्दविधीचे वेळी त्यांनी ऋषींच्या माध्यमातून प्रसाद ग्रहण केल्याचा दाखला दिला आहे. एकनाथ महाराजांनी तर अडेलतट्टू ब्राह्मणांच्या नाकावर टिच्चून साक्षात पितरांनाच खाली आणले होते. मृत्यूनंतरचा जिवाचा प्रवास सोपा नसतो.  वैतरणा नदीचे वर्णन ऐकून तर अंगावर शहारा येतो. ती नदी पार करण्यासाठी हा विधी पुत्राने श्रध्दापूर्वक केला पाहिजे. ज्ञानी ब्राह्मण हा विधी करतात तो जर लक्षपूर्वक ऐकला तर याचे महत्व पटते. भाद्रपद कृ.१ पासून सुरू होणारा पित्रुपंधरवडा हा पितरांच्या सेवेसाठी फार महत्वाचा असतो.

भाद्रपद अमावस्ये पर्यंत पितर हे पितृलोकातून अर्यमा देवतेच्या आज्ञेने पृथ्वीतलावर येत असतात व त्यांच्या पुत्राने त्यांच्या मृत्यूतिथीला त्याना आवाहन करून पिंडदान करायचे असते. जर नाही केले तर 'पितृदोष' नव्हे तर त्यांची नाराजी घरामध्ये अडचणी आणते. म्हणून आपली कुलदेवता आणि आपले पितर यांना कधीही विसरू नये.

जातक समस्या घेऊन येतो तेंव्हा ज्योतिषाने ह्या दोन गोष्टी नीट होत आहेत ना याकडे आवर्जून लक्ष द्यावे. सर्वपितरी अमावास्या तर सर्व पितरांचे श्राध्दविधी करण्यासाठी उत्तमच. एकवेळ मृत्यूतिथीला नुसता शिधा किंवा चटावरचे श्राध्द चालेल पण सर्वपितरीला यथासांग विधी गुरुजींच्या मार्फतच करावेत. आपल्या मनाने कोणालातरी जेवायला बोलावणे, घराच्या गच्चीवर ताट वाढून ठेवणे, कोणत्यातरी संस्थेला देणगी देणे याने पितरांना संतोष होत नाही. वैदिक मंत्रांनी आवाहन करून सन्मानाने त्यांना आमंत्रित करावे लागते तरच ते पिंडग्रहण करतील. ज्ञानी ब्रह्मवृंदच ते शास्त्रोक्त कर्म करू शकतात.

पितृपंधरवड्याचा फार बाऊ करू नये. मंत्रिमंडळाचा वीस्तार पुढे ढकलणे, खरेदी लांबणीवर टाकणे, व्ययसायाचे करार न करणे, विवाहाची बोलणी सुध्दा न करणे, शुभ गोष्टींसाठी वर्ज्य  समजणे ही अंधश्रध्दा होय. सारासार विवेक करावा. नाही तर अन्न, पाणी आणि श्वासही वर्ज्य करावा लागेल. अतिरेक टाळावा

ज्यांनी आपल्यासाठी एवढ्या खस्ता काढल्या त्यांचे एक दिवस स्मरण करणे आपल्याला जड वाटू नये.

~~~~~~
 कावळा हा वैवस्वत कुळात जन्माला आलेला आहे जो पर्यंत  वैवस्वत मन्वन्तर आहे तो पर्यंत कावळा हा यमराजाचा द्वारपाल आहे म्हणून पिण्डाला काकस्पर्श झाला म्हणजे मृतात्म्यास यमद्वारी प्रवेश मिळेल असे श्रीरामानी कावळ्याला वरदान दिले आहे म्हणून कावळ्याला दररोज अन्न दिल्याने कावळा अन्न रूपाने पापाचे भक्षण करतो व श्राद्धात अन्न दिल्याने यमलोकी पितरांना त्रांस होत नाही म्हणून कावळ्याला अन्न किंवा पिंड देतात.

सौजन्य :- नरेश सरकारे, वॉट्सअँप फॉरवर्ड

स्वप्नातील घर : भाग १० - लोन डिसबर्समेंट

दि. २७ जुलै २०१७ रोजी एक्सर्बिया सानपाडा (०२२-६१०९३८०३) मधून पत्नीला ऑफिस मध्ये असताना फोन आला, "तुम्हाला HDFC बँक मध्ये उद्या जाऊन चार्जेस भरायचे आहेत."

मग पत्नीने घरी आल्यावर पुन्हा फोन केला, "कोणते चार्जेस भरायचे आहेत ?"

तो बोलला, "स्टॅम्प ड्युटी". 

पत्नी :- कोणती स्टॅम्प ड्युटी, आम्ही तर सर्व आधीच भरले आहेत.

तो :- लोन वरची स्टॅम्प ड्युटी जी लोन ऑफर लेटर मध्ये रु १,५००/- दाखवली आहे ती अधिक GST पकडून जी रक्कम होईल ती व सोबत तुम्हाला ओळख व पत्ता पुरावा व दोन फोटो घेऊन जावे लागतील लोन डिसबर्स करण्यासाठी.

पत्नी :- माझे पती गेले तर चालतील का ? पण ते सह-कर्जदार नाहीत.

तो :- चालेल. पण त्यांच्या सोबत त्यांचे व तुमचे प्रूफ पाठवा.

पत्नी :- ठीक आहे.

-------------

आणि २८ जुलै ला पत्नीला ई-मेल व एस एम एस आला कि, तुमचे पार्ट लोन डिसबर्समेंट ३१/०७/२०१७ रोजी करण्यात येईल.  बघा हा ई-मेल....

म्हणून मग आम्ही HDFC लॉगिन करून बघितले, तर त्यात अजून दोन धक्के होते....

१. HDFC ने आमचे काँट्रीब्युशन रु. १,१२,७८१/- दाखवले जेव्हा कि आम्ही एक्सर्बिया ला रु १,३०,२५६/- रु आता पर्यंत दिलेले आहेत. बघा हा स्क्रीनशॉट...

२. आम्ही लोन अर्ज करताना सह-कर्जदाराचे नाव घातले नव्हते, तरी HDFC ने सह-कर्जदार म्हणून पतीचे म्हणजे माझे पण नाव टाकले आहे. बघा हा स्क्रीनशॉट.....

आणि हे वाचून आम्हाला धक्काच बसला. आम्ही तर अजून डिसबर्समेंट विनंती दिलेली नाही. मग HDFC ने डिसबर्समेंट कशी नियोजित केली !!!. आम्ही ते HDFC ला ई-मेल वर विचारले…. 

HDFC ने मग डिसबर्समेंट रद्द केले. आणि बघा HDFC चे काय उत्तर आले .....   

 

हा रिप्लाय वाचल्यावर लक्षात आले कि HDFC ने डिसबर्समेंट रद्द केले पण त्यांना १,३०,२५६/- बद्दल आमचे काय म्हणणे आहे हे लक्षात आले नाही. म्हणून मग आम्ही परत ई-मेल केले. 

मग मी स्वतः HDFC मध्ये दुपारी ४ वाजता अंबरनाथ ला पोचलो.  तिथे साधारण ४.४० दरम्यान एका रेप्रेसेंटेटिव्ह कडे पाठवण्यात आले. त्याला सांगितले लोन वरची स्टॅम्प ड्युटी भरायची आहे. त्याने सांगितल्या प्रमाणे रु १६१४/- चा चेक सुपूर्द केला. मग त्याने केलेल्या ई-मेल बद्दल विचारले, तेव्हा आम्हाला समजले कि एक्सर्बिया ने ओरिजिनल अग्रीमेंट कॉपी आम्हाला ई-मेल न करता, थेट HDFC ला सबमिट केली व एक्सर्बिया ने स्वतः पेयमेन्ट नियोजित करून घेतली. आणि HDFC ने एक्सर्बिया (मयूर) ला विचारले कि 'कस्टमर सोबत का नाही आले, तेव्हा तो म्हणाला आम्हाला NOC दिली आहे.  म्हणजे बघा, एक्सर्बिया किंवा कोणताही बिल्डर डायरेक्ट रेजिस्ट्रार ऑफिस ला आपल्या सह्या घेतो त्यात, NOC पण असते व ते कस्टमर ला कळू न देता डायरेक्ट लोन कंपनी मधून लोन उचलतात व आपल्याला हफ्ते सुरु होतात. मग "रेरा" चा काय उपयोग आहे ग्राहकाला ?

त्याने विचारले एक्सर्बिया ने तुम्हाला अग्रीमेंट ची कॉपी दिली नाही का? मी सांगितले, 'रेजिस्ट्रेशन नंतर एक्सर्बिया आम्हाला ७ दिवसात ई-मेल करणार होते. अजून त्यांनी कॉपी पाठवली नाही. आणि तुमच्याकडे (HDFC) कडे ओरिजिनल कॉपी सबमिट केली आणि तुम्ही कर्जदाराला न विचारता डायरेक्ट पेयमेन्ट पण नियोजित केली.' ह्यावर तो गप्प बसला. 

मग मी हि त्याला जेवढे आठवले, ते प्रश्न विचारले.

मी : इ एम आय कधी सुरु होते ? पार्ट डिसबर्समेंट वर पण सुरु होते का ?

युवनाथ : इ एम आय पार्ट डिसबर्समेंट वर पण सुरु करता येते. 

मी : हे प्री-इ एम आय काय असते ?

युवनाथ : प्री इ एम आय म्हणजे व्याज आकारणी. म्हणजे समजा तुम्ही २७ तारखेला डिसबर्समेंट / पार्ट डिसबर्समेंट केले कि, तुमचा इ एम आय सुरु होतो पुढच्या १ तारखेला पण, २७ तारीख ते ३१ तारखे पर्यंत जे व्याज चार्ज होते त्याला प्री इ एम आय म्हणतात.

मी :- डिसबर्समेंट वेळी काय डोकमेण्ट घेउन यायचे ?

युवनाथ :- २ फोटो, ओरिजिनल - पण कार्ड, आधार कार्ड दोन्ही कर्जदाराचे, बँक चेक बुक.

मग मला IGR बद्दल आठवले... माझ्या बऱ्याच वॉट्सअँप ग्रुप मधून एक कस्टमर मिळाला, त्याने J5-608 बुक केला आहे. त्याच्या कडून कळले कि, त्याला साधारण रु ५,१००/- IGR म्हणून भरावे लागले.  

त्या कस्टमर ने सांगितले कि, एजन्ट HDFC च देते व तो सर्व प्रक्रिया पूर्ण करतो. म्हणून मग मी हि HDFC ला विचारले...

मी :- IGR आम्हाला सुद्धा लागेल का ? आणि किती भरावा लागेल ? आम्ही करू शकतो का ?

युवनाथ :- IGR बेसिक रु १,४००/- पण इतर खर्च पकडून २५००/- ते ३०००/- होतील, ते एजन्ट च सांगेल व IGR पहिली डिसबर्समेंट झाल्यावर करायचा असतो. तुम्ही पण करू शकता, पण प्रक्रिया खूप मोठी असते. IGR  ऑनलाईन भरून सर्व डोकमेण्ट चा सेट बनवावा , तो HDFC मध्ये आणायचा, स्टॅम्पिंग करून तो रजिस्ट्रार ला सबमिट करायचा, मग एक पावती HDFC मध्ये जमा करायची व एक ग्राहकाला द्यायची. हि सर्व प्रक्रिया एजन्ट करतो. IGR म्हणजे फ्लॅट रेजिस्ट्रेशन झाल्यावर तुमचे इन्टिमेशन सरकारला जाते, पण लोन कोणत्या बँके कडून घेतले आहे ते IGR केल्यावर सरकारला इंटिमेट होते. 

बघा... म्हणजे हि सर्व माहिती एक्सर्बिया ने नवीन कस्टमर जे त्यांच्या आयुष्यात पहिल्यांदा फ्लॅट घेतात, त्यांना द्यायला हवी. रक्कम सांगू नये, पण अंदाज तर देता येतो... आणि ह्या बद्दल "रेरा" काय बोलते, कुणास ठाऊक !!

तुम्ही रेजिस्ट्रेशन अग्रीमेंट ची कॉपी पहिल्या डिसबर्समेंट च्या अगोदर कधीही घेऊ शकता. एकदा डिसबर्समेंट झाली कि HDFC कॉपी नाही देऊ शकत. 

मी :- एक्सर्बिया ने आम्हाला सांगितले होते कि, आम्ही ई-मेल मध्ये कॉपी पाठवू, पण त्यांनी डिरेक्टली HDFC ला सबमिट केली. त्यांनी आम्ही विचारलेले सर्व प्रश्न आधी क्लिअर करू दे व कॉपी पाठवू दे. मग आम्ही डिसबर्समेंट चे बघू. 

युवनाथ :- एक्सर्बिया तर मोठी कंपनी आहे.. त्यांच्या कडून असे काही होईल वाटत नाही.

मी :- आता तुमच्या समोर उदाहरण आहे. इंटर्नल व खूप कायदेशीर प्रॉब्लेम्स आहेत. पुणे - सानपाडा ऑफिस मध्ये कॉ-ऑर्डिनेशन नाही. 

पुढे बोलणार होतो "HDFC ला पण कधीतरी प्रॉब्लेम होऊ शकतो", पण विचार केला जाऊ दे, दोन्ही मोठ्या संस्था आहेत. मी एकट्याने बोलण्याने काय होणार!

मी :- PMAY ची एलिजिबिलिटी आहे ना ? आम्ही लोन अर्ज बरोबर PMAY ऑनलाईन अर्ज पण सबमिट केला होता. तुमच्याच रेप्रेसेंटेटिव्ह ने सांगितले होते.

युवनाथ :- PMAY साठी एक फॉर्म भरावा लागतो, ते सुद्धा फर्स्ट डिसबर्समेंट वेळीच होईल.

आणि मग मी HDFC मधून बाहेर पडलो.

================

क्रमश :

हि लेखमालिका स्व-अनुभवावर आधारित आहे. ह्यात कोणत्याही व्यक्ती वा संस्थेचा अपमान किंवा मानहानी किंवा जाहिरात करण्याचा हेतू नाही. पण आपल्या सारख्या सर्व सामान्य माणसाला स्वतःचे घर घेताना येणाऱ्या प्रक्रियांचा अनुभव व्हावा हाच उद्देश आहे. कारण, इतर कोणीही त्यांना घर घेताना काय प्रक्रिया करावी लागली व काय सतर्कता बाळगावी लागली हे दुसऱ्याला सांगत नाहीत. म्हणून वाटले आपल्या सोबत घडणाऱ्या घटना आपल्यासारख्याच इतरांना मार्गदर्शक ठरतील, म्हणून हा खटाटोप.