नैऋत्य दिशेला घराची बांधणी असेल तर आरोग्य चांगले लाभते असं म्हणतात. या दिशेला पाण्याची टाकी वास्तूपेक्षा उंच असणं शुभ मानलं जातं. या दिशेला उंचीवर कचराकुंडी असणं मात्र अशुभकारक असतं म्हणे. या दिशेला शौचालये बांधली तरी कुटुंबाला अशुभ फल मिळते. नैऋत्य दिशेकडे उतार असल्यास सर्व प्रकारची अशुभ फळं मिळतात. या दिशेला रिकामी जागा सोडली असेल तर फारच वाईट अनुभव येतात असं भाकित केलं जातं.
दिशांच्या अष्टलक्ष्मीमध्ये नैऋत्य दिशेचे स्थान धैर्यलक्ष्मीचे असल्याचे म्हटले आहे. नैऋत्येला जीना असेल तर शुभ आणि तेथे व्हरांडा असेल तर वाईट फळ मिळते. या दिशेला सरहद्द भिंतीवर मजला बांधला तर चांगले आरोग्य प्राप्त होते. नैऋत्येला इलेक्ट्रीक मीटर असेल तर अपघातांचा संभव जास्त असतो. वाहनतळ असल्यास शुभ फळ असते. घराच्या छपराचा उतार असल्यास हत्या, आत्महत्या घडतात असं बोललं जातं. या दिशेला डायनिंग हॉल व स्वयंपाकघर असेल तरीही अशुभ फळं मिळतात.
या दिशेला विहीर, संडास, सेप्टीक टँक असणं तसेच सर्व दिशांपेक्षा नैऋत्येला उतार असल्यास व्यसन अपकिर्ती, ग्रहपीडा, पिशाच्च बाधा, दृष्ट स्रियांचा संग, चर्मरोग, मृत्यू इ. भोगावं लागतं. ही दिशा इतर सर्व दिशांपेक्षा उंच असून त्या भागात स्टोअर रूम, जड वस्तू, कचराकुंडी आदी ठेवणं हितकारक मानलं जातं.
सौजन्य :- फुलोरा, सामना २०१११५
इतर ग्रहांपेक्षा शनी हा त्याला असलेल्या कडयांमुळे ओळखला जातो. एखाद तुकडे तुकडे झालेला ग्रह किंवा धूमकेतू याच्या अवशेषातून ही कडी बनली आहेत. या कडयांचे निरीक्षण व्हॉयेजर १ व व्हॉयेजर २ या यानांनी केले त्यातून अदभुत अशा निरनिराळ्या गोष्टी समोर आल्या. या कडयांना बाहेरून आत अशी ,ँ,ण्, अशी नावे देण्यात आली आहे. दोन कडयांच्या मध्ये जी फट आहे त्यांना सुद्धा नावे आहेत. आश्चर्य म्हणजे, याएन्के आणि केप्लर गॅपमध्ये शनिचे दोन लहान चंद्र भ्रमण करतात आणि ही गॅप मोकळी ठेवतात. यातील कड्यांमधील रुंदी ४५०० किमी आहे. ही गॅप साध्या दुर्बिणीतूनही दिसते. ए कडयाची रुंदी १४,६०० किमी आहे तर बी कडयाची रुंदी २५,५०० किमी आहे.
पृथ्वीच्या अगदी जवळ असणारा ग्रह म्हणजे शुक्र. संध्याकाळी किंवा सकाळी अतिशय तेजस्वी तार्‍याप्रमाणे दिसणारा हा ग्रह जरा विचित्रच आहे. या ग्रहावर सूर्य चक्क पश्चिमेला उगवतो आणि पूर्वेला मावळतो. याला स्वत:भोवती एक फेरी पूर्ण करण्यासाठी २४३ दिवस लागतात, पण सूर्याभोवती मात्र हा २२५ दिवसात एक फेरी पूर्ण करतो. म्हणजेच शुक्रावरचा दिवस त्याच्या वर्षापेक्षाही मोठा आहे. याच्या अभ्यासासाठी ESA ने व्हीनस एक्सप्रेस नावाचे यान ९ नोव्हेंबर २००५ ला सोडले. हे यान शुक्रावर एप्रिल २००६ ला पोहोचले. चंद्र किंवा बुध ग्रहावर आढळणारे विवर शुक्रावर कमी आढळतात कारण शुक्रावर अजूनही जागृत ज्वालामुखी आहेत यामुळे त्याच्या पृष्ठभागाची सतत जडणघडण होत असते. व्हीनस एक्सप्रेसच्या अभ्यासातून असेही लक्षात आले की त्याच्यावरील वातावरण अतिशय वेगाने फक्त ४ दिवसात शुक्राभोवती फेरी पूर्ण करते. त्याच्या वातावरणात पृथ्वीच्या तुलनेत लक्षावधीपट सल्फर डायऑक्साईड आहे. 
डॉ. सतीश पांडे
चंद्रावर वातावरण नसल्याने सूर्यांचे किरण परावर्तित होत नाहीत, यामुळे चंद्राच्या आकाशात सूर्य आणि तारे एकाच वेळी पाहता येतात. वातावरणाच्या अभावामुळे दुर्बिणीच्या सहाय्याने आकाश निरीक्षण अतिशय चांगले होईल. आपल्याकडे रोज चंद्र पूर्वेला उगवतो आणि पश्चिमेला मावळतो तसे चंद्रावर पृथ्वी रोज उगवत किंवा मावळत नाही. चंद्राच्या एका अर्ध्या भागात ती चंद्राच्या क्षितिजाजवळ वर किंवा खाली घुटमळताना दिसेल. चंद्राच्या दुसर्‍या अर्ध्या भागातून पृथ्वी अजिबात दिसत नाही. याचे कारण म्हणजे पृथ्वीचा स्वत:भोवती फिरण्याचा वेग आणि चंद्राचा स्वत:भोवती फिरण्याचा वेग सारखाच असल्याने चंद्राची एकच बाजू आपल्या समोर असते. दुसरी बाजू बघण्यासाठी आपल्याला अंतराळात जाऊन चंद्राच्या मागच्या बाजूस जावे लागेल.
डेमॉइझल क्रेन किंवा क्रौंच पक्षी हे स्थलांतरित असून अतिशय सुडौल असतात. चीन, मंगोलीया या भागांतून स्थलांतर करून हे पक्षी हिंदुस्थानात येतात. उत्तर हिंदुस्थानात कुंज या नावाने हे पक्षी प्रसिद्ध आहेत. राजस्थान, गुजरातमध्ये मैदानांवर, नद्यांच्या खोर्‍यात किंवा पाणथळ स्थळी मोठ्या प्रमाणावर हिवाळ्यात हे कुंज पक्षी दिसून येतात.
उत्तर हिंदुस्थानात वर्षानुवर्षे स्थलांतर करून येण्यामुळे येथील साहित्यातही या पक्ष्यांना स्थान मिळालेले आहे. अनेक कवितांमध्ये सुंदर कमनीय युवतीची तुलना या क्रौंच वा कुंज पक्ष्याशी केली जाते. रामायणासारख्या महाकाव्याचे जनक वाल्मिकी ऋर्षींनीही त्यांची पहिली कविता याच कुंज पक्ष्यावर लिहिली.
