आली कोकण-गाडी दादा

लाल बत्ती हिरवी झाली, आली कोकण-गाडी
आली कोकण-गाडी दादा, आली कोकण-गाडी

ठाणे-मुंब्रा-कल्याणाची ओलांडुन खाडी
आली कोकण-गाडी दादा, आली कोकण-गाडी

जंक्शन आता मागे गेले, पनवेलीचे ठेसन आले
ओढ लावी कर्नाळ्याची हिरवीहिरवी झाडी

आपट्यापासून गाठिल रोहे, तयार ठेवा नारळ-पोहे
स्वागताला कोकणवासी सजले खेडोपाडी

कशासाठी पोटासाठी, कोकणपट्टी घाटासाठी
आगीनगाडी नागीन जैसी जाते नागमोडी

दर्यावरचा खाईल वारा, पिऊन घेइल पाउसधारा
बघताबघता मागे टाकील सावंताची वाडी

येथे डोंगर तेथे सागर, नारळ-पोफळ हिरवे आगर
कणखर काळ्या सह्याद्रीची थडथडणारी नाडी

सरता कोकण पुढती जाते, गोव्यासंगे जुळवी नाते
कर्नाटक अन्‌ केरळ-तामिळ प्रेमे यांना जोडी

कोकणवासी जनतेलाही भवितव्याची देते द्वाही
सुखी होऊ दे गावित-कोळी कष्टाळू कुळवाडी

शिंग तुतारी झडला ताशा, फळास आल्या अपुल्या आशा
कोकणच्या कैवारी नाथा, आशिर्वादा धाडी

गीत - वसंत बापट

सौजन्य:- http://shaileshchakatta.blogspot.in/2013/12/blog-post_4881.html

सणासुदीला घ्यावयाचे उखाणे

कुंकु लावत ठसठशीत, ह्ळ्द लावते किंचित,
..... आहेत माझे पूर्व संचित 

लागलाय श्रावण कर्ते मी महादेवाची महोभावे पुजा,
.... च्या जीवावर कर्ते मी मजा. 

सौभाग्यकांक्षिणी करतात गौरईची पुजा,
..... चे नाव घेऊन घेते मी रजा. 

नागपंचमीला घरोघरी होते पुरणपोऴी,
.....नी आणली माझ्याकरिता कटकीची चोऴी

वारुळाला जाऊन मी नागाची पुजा करते,
..... चे नाव घेऊन सौभाग्याचे आशिर्वाद मागते. 

अर्धनारी नटेश्वराच्या मुर्तीप्रमाणे पति पत्नीच्या
एकरुपतेने बनत असतो संसार,
..... चे नाव घेते आज आहे श्रावणी सोमवार. 

धरतीताईने आकाशाला राखी बांधुनी जोडीले बंधुत्वाचे नाते,
..... च्या सोबत मी अमरप्रेमगीत गाते 

भाद्रपद महिन्यात गोकुळ अष्टमीला पाळणा हलला श्रीकृष्णाचा,
..... चे नाव घेऊन निरोप घेते माहेरचा.  


*****चैत्रागौरी*****

१) गौरीपुढे लावली  समईची जोडी
    .......च्या नावाची मला आहे गोडी!!!!!
२) गौरीपुढे वाजते सनई
     ....चे नाव घ्यायला मला वाटते नवलाई!!!!!
३) गौरीपुढे मांडली कुलस्वामिनीची तसबीर
     ....चे नाव घ्यायला मी नेहमी अधीर!!!!
४) गौरीची आरास सर्वांना पसंत
     ....चे नाव घेते ऋतू आहे वसंत!!!!!
५) गौरीच्या पुढे केसर-अत्तराचे सडे
     ...चे नाव घ्यायला मी सर्वांच्या पुढे!!!!!
६) गौरीच्या पुढे तबकात ठेवले केसरी पेढे
    ....चे नाव घ्यायला मी नाही घेत आढेवेढे!!!!!
७) गौरीपुढे ठेवल्या फुलांच्या राशी
     ....चे नाव घेते हळदीकुंकवाच्या दिवशी!!!!!
८) गौरीला लावते वाळ्याचे अत्तर
    ....चे नाव घ्यायला मी सदैव तत्पर!!!!!
९) गौरीच्या डोला-याला सोन्याचा कळस
    ....चे नाव घ्यायला मला नाही आळस!!!!!
१०)गौरीच्या पुढं मांडलं फराळाचं ताटं
     ....राव माझी बघतात वाट!!!!!

thanks:- http://mannmajhe.blogspot.in/2009/12/blog-post_487.html

कुश लव रामायण गाती

श्रीरामचंद्राच्या अश्वमेध यज्ञासाठी अयोध्येंत माणसांचा महासागर जमला होता. तापस वेष धारण केलेले दोन बटु मंडपांत आले. ते म्हणाले “आम्ही महर्षि वाल्मीकींचे शिष्य आहोंत. आम्ही रामचरित्रगायन करतो.” श्रीरामांना माहीत नव्हतें की आपल्यासमोर आपल्या चरित्राचें गायन करणारे हे बटु आपलेच पुत्र आहेत.

स्वयें श्रीरामप्रभू ऐकती

कुश लव रामायण गाती

कुमार दोघे एक वयाचे

सजीव पुतळे रघुरायाचे

पुत्र सांगती चरित पित्याचे

ज्योतिनें तेजाची आरती

राजस मुद्रा, वेष मुनींचे

गंधर्वच ते तपोवनींचे

वाल्मीकींच्या भाव मनींचे

मानवी रूपें आकारती

ते प्रतिभेच्या आम्रवनांतील

वसंत-वैभव-गाते कोकिल

बालस्वरांनी करुनी किलबिल

गायनें ऋतुराज भारिती

फुलांपरी ते ओठ उमलती

सुगंधसे स्वर भुवनीं झुलती

कर्णभुषणें कुंडल डुलती

संगती वीणा झंकारिती

सात स्वरांच्या स्वर्गामधुनी

नऊ रसांच्या नऊ स्वर्धुनी

यज्ञ-मंडपीं आल्या उतरुनी

संगमी श्रोतेजन नाहती

ती परी अस्मानीची

ती परी अस्मानीची
ती परी अस्मानीची
डोळे तिची सळसळती माशांची जोडी
ओठ तिचे संत्र्यांच्या रसरसत्या फोडी
गालावर थरथरते साय दुधाची
अंगावर चव धरते गोड मधाची

ती परी अस्मानीची
ती परी अस्मानीची
हे बघ नि ते बघ हृदयात गडबड होते
हसते तेवा भवतीचे सारे भिरभिरते
वळते तेवा बगळ्यांच्या उडती शुभ्र माळा
सप्तरंगी इंद्रधनू येत असे आभाळा
ती परी अस्मानीची
ती परी अस्मानीची

सौजन्य :- ई मेल फोरवर्ड 

आई तुझे लेकरू आज खूप एकटे पडले...

आई तुझे लेकरू आज खूप एकटे पडले
तुझ्या स्पर्शासाठी ते खूप आज रडले !!
तुझ्या मायेच्या सागराने मला
कधी वादळ तर कधी किनारे दाखवले !!

तुझ्याच छायेत माझे घर असू दे
असे नेहमीच वाटायचे
तू जवळ नसताना मनात काहूर माजायचे !!

आज तुला सोडून मी जगायला शिकतोय
एकटे पडलो इथे सगळेच मला डिवचतात !!
सांगायची तू कथा मी अर्थ आज जाणतोय
नसतो कुणी आपले हे मी खरचं पहातोय !!

जवळ करतात इथे आणि दरीमध्ये सोडतात
जीव कधी जाईल ह्याची ते वाटच पाहतात !!
आई मला घे जवळ मला सोबतच राहू दे
तुझ्याच डोळ्यांनी हे जग मज पाहू दे !!

धन्य झालो मी जी तू मला भेटलीस
असे वाटतं देवांशीच मैत्री मी गाठली .... !!

 सौजन्य:- http://meekbhartiy.blogspot.in/2012/08/blog-post_2968.html

पैसा पैसा

पैसा पैसा पैसा वेडी झाली माणसं


पैसा पैसा पैसा वेडी झाली माणसं


पैसा पैसा पैसा जीव झाला स्वस्त

पैसा पैसा पैसा नात्यांना नसतो अर्थ


पैसा पैसा पैसा विसरले सगळे उपकार

पैसा पैसा पैसा हि माणसच आहेत बेकार


पैसा पैसा पैसा भांडणाला नसतो तोटा

पैसा पैसा पैसा जो - तो मोजतो फक्त नोटा


पैसा पैसा पैसा नाती गेले विसरून

पैसा पैसा पैसा अग्रीमेंट टाका पुसून


पैसा पैसा पैसा नको आम्हाला पैसा

प्रेम - जिव्हाळा - नाती मनी भाव आमच्या ऐसा

- पूजा पाठारे
सौजन्य:- http://marathikavita.co.in

कशी असेल ती आता ?

कशी असेल ती अता ?


असेल का ती ठीक ??

अता तिला जून सर्व आठवत असेल का??

आठवल्या क्षणामध्ये परत ती जाऊ पाहेल का??

गेलीच तरी तर ,त्या क्षणात मला पाहिलं का??

पाहिलं जरी मला तर , एकदा तरी मला परत बोलवेल का??

बोलावले तरी माझ्यासंगे प्रेमाचे २ शब्द म्हणेल का??

माझ्यासाठी तीच मन परत,माझ्या मनाशी हितगुज साधेल का??

साधल तरी मनातले प्रश्न,सुख दुख माझ्यासमोर मांडेल का??

मांडले तरी ,मी दिलेल्या त्या उत्तरांचा ती विचार करेल का???

माझ्यासाठी परत ,सर्वांसाठी ती झगडेल का???

दिलेल्या आठवणीत परत मागण्याचा देवा कडे हट्ट करेल का??

प्रत्येक क्षणी नाही पण दिवसातून एकदा तरी आठवण काढेल का???

काढलेल्या त्या वेळात फक्त मलाच ती पाहेल का??

मी नाही होऊ शकलो तिचा ,तरी ती आनंदात राहील ना???

माझ्यापेक्षा हि जास्त प्रेम देणारा तिला मिळेल ना???

त्याच्या सहवासात राहून सर्व दिलेले क्षण विसरून ती आनंदी राहेल ना

मी दिलेले सर्व क्षण ,आठवणींची जळमट मनाच्या गाभार्यातून काढून टाकेल ना???

आयुष्याच्या तिच्या सुंदर वळणावर एकदा तरी माझी आठवण तिला येईल ना??

आली तरी माझ्यासाठी ,तिचे डोळे पाणावतील ना ??



माझ्या मनात असा मग प्रश्नाचा साठा साचला

एका तरी उत्तरासाठी तो वाट पहाट बसला :-/

सौजन्य:- चेतन र राजगुरु

जिवंत राहणं आणि एक एक क्षण जगणं

कोणाच्या तरी येण्याने आयुष्यच कधी कधी बदलून जातं


आपलं सारं जगच त्यांच्याभोवती फिरू लागतं

जिवंत राहणं आणि एक एक क्षण जगणं

यातला फरक समजू लागतो

नाही नाही म्हणता आपणही

प्रेमात पडू लागतो







कधी हसणं विसरून गेलो तर

ते हसायला शिकवतात

जीवन हे खऱ्या अर्थाने

जगायला शिकवतात



पण एक दिवस जेव्हा ते दूर निघून जातात....



आपलं आयुष्यच अर्थशून्य वाटू लागतं

त्यांच्या गोड आठवणींमधे वेडं मन झुरू लागतं



कारण प्रत्येकालाच गरज असते एका साथीदाराची,

प्रत्येक क्षणाला प्रीतीच्या रंगात रंगवण्यासाठी

त्याच्या गोड गुलाबी स्वप्नात हरवण्यासाठी



म्हणूनच ........

असेल जर कोणी असं खास तुमच्याजवळ

जाऊ देऊ नका त्यांना कधी दूर

एकदा जवळ घेऊन म्हणून तर बघा

" I LOVE YOU "

........................ इमेल फौरवर्ड

सौजन्य:- MARATHIKAVITA.COM

तू जेव्हा ऑनलाइन नसतेस .......

नसतेस ऑनलाइन तू जेव्हा


जीव तुटका तुटका होतो

जी-टॉक चे विरति धागे

ऑरकुट फाटका होतो

ध्रु


डिस्क फाटून क्रशाच व्हावी

कल्लोल तसा ओढ़ वतो

चट्टिंग दिशाहीन होते

अन लान पोरका होतो

१


येतात ईमेल दाराशी

हिरमुसून जाती मागे

विन्डोशी थबकून कर्सर

तव मेसेज वाचून जातो

२


लघु लिपित खेलव नार्या

त्या स्माइली स्मरति सगळ्या

प्रोक्सी-विन नेट अदावे

मी तसाच अगतिक होतो

३



तू सांग सखे मज काय

मी सांगू या स्टेटस लाईन्सना

माउसचा जीव उदास

माझ्यासह क्लीक क्लीक करतो

४



ना अजुन झालो एलोकेट

ना बिलेबल अजुनी झालो

तुजवाचुन पिन्गिंग राहते

तुजवाचुन मेस्सेंजर अडतो

५

सौजन्य :- AUTHOR UNKNOWN