"एयरटेल सेफ पे" - बँकिंग क्षेत्रातील एक नवीन क्रांती.

 

जेव्हा मार्केट मध्ये कोणत्याही प्रकारचे वॉल्लेट पेयमेन्ट नव्हता, तेव्हा खूप वर्षांपासून पासून एयरटेल  ने "एयरटेल मनी" हि सेवा सुरु केली होती. आम्ही साल २००३ पासून एयरटेल चे ग्राहक आहोत.  आणि, आम्ही ती सेवा तेव्हापासून वापरात आहोत. त्यानंतर, कालानुरूप बदल होत गेले. बरेचसे पेयमेन्ट वॉल्लेट बाजारात आले. त्यानंतर, हल्लीच पेयमेन्ट बँक पण अस्तित्वात येण्यास सुरुवात झाली. त्यासोबत, हॅकर्स पण निर्माण झाले. एयरटेल ला पण "पेयमेन्ट बँक" चे लायसन्स मिळाले. एक ग्राहक म्हणून, आम्ही नमूद करतो कि, एयरटेल पेयमेन्ट बँक मध्ये जेवढ्या सुविधा आहेत, त्या इतर कोणत्याही बँक अँप, पेयमेन्ट अँप, अगदी गूगल पे मध्ये सुद्धा नाहीत. 

सर्व डिजिटल ट्रांसकशन करणाऱ्या संस्थांनी द्वि स्तरीय सुरक्षा ऑनलाईन ग्राहकांसाठी तयार केली होती. म्हणजे, पासवर्ड व ओ टी पी , किंवा पासवर्ड व डेबिट कार्ड ग्रीड. पण, एयरटेल पेयमेन्ट बँक ने बँकिंग क्षेत्रात फार मोठी क्रांती घडवत जानेवारी २०२१ महिन्यात अजून एक सुरक्षा पायरी आणलीय. "एयरटेल सेफ पे".  

"एयरटेल सेफ पे" मध्ये तुम्ही पासवर्ड टाकलात, ओ टी पी टाकलात तरी सुद्धा परत एक कॉन्फीर्मेशन मेसेज येतो, "yes OR no". जर, तुम्ही "नो" दाबला तरी पैसे तुमच्या खात्यातून जाणार नाहीत. 

त्यामुळे, ज्या ग्राहकांनी एयरटेल बँक खाते उघडले आहे, त्यांनी त्वरित आपल्या जवळील एयरटेल अधिकृत सेन्टर ला भेट देऊन आपले "सेफ पे" सिम घ्या. व तुमच्या एयरटेल बँक खात्याला त्री-स्तरीय सुरक्षा द्या. 

"एयरटेल सेफ पे" बँकिंग क्षेत्रातील एक नवीन क्रांती. 

Hi! I am sending you discount coupons worth Rs. 50 for your next recharge or bill payment. Sign up on the Airtel Thanks App using my link to claim the coupons.

What's more, if you’re an Airtel prepaid customer, you get FREE 2 GB data on your first time sign-up.

Recharge, Pay bills, Track your data balance, Get Help & Support and Watch live TV on the Airtel Thanks App. Hurry, get started now! 

http://u.airtel.in/YMPhOX 

(एक ग्राहक म्हणून आलेला अनुभव आम्ही शेयर केला आहे)

टेक्नोफंडा मुलांचा घात करतोय…

‘‘मला कळत नाही, पण माझ्या दोन वर्षांच्या मुलाला ‘मोबाईल’मधलं सगळं कळतं…’’ कौतुकलेले हे वाक्य प्रत्येक घरातून ऐकायला मिळते, पण हे कौतुकच आता भारी पडतंय महाराजा… उद्याचं भविष्य असणारी ही पिढी कॉम्प्युटर, लॅपटॉप, मोबाईल आणि तत्सम गॅजेट्सच्या वापरामुळे बरबाद होत आहे…
‘तंत्रज्ञान घातक, घातक…’’ अशी ओरड बर्‍याच वर्षांपासून सुरू आहे, पण तरीही तिकडे कानाडोळा करताना नव्या पिढीच्या हातात तंत्र सोपविण्याची घाई प्रत्येक पालकाला आहे. मात्र हे किती धोकादायक आहे याचा अभ्यास केल्यानंतर लक्षात येऊ लागले आहे. मुलांना इलेक्ट्रॉनिक वस्तू देणे चुकीचे असल्याचे मत ‘दी अमेरिकन अ‍ॅकॅडमी ऑफ पेडिअ‍ॅट्रिक अ‍ॅण्ड दी कॅनडियन सोसायटी’च्या संशोधकांनी केलेल्या अभ्यासानंतर व्यक्त केले आहे. तेव्हा वेळीच सावध व्हा… तरुणाईला वाचवा…
– शून्य ते दोन वर्षांपर्यंत लहान मुलांच्या मेंदूचा विकास झपाट्याने होत असतो. नव्या गोष्टींबद्दल मुलांना मोठं कुतूहल असतं. मोबाईल फोन, इंटरनेट, टॅबलेट, टीव्ही अशा घरातल्या वस्तू कशा वापरल्या जातात ते पाहून त्यापासून ते प्रेरणा घेत असतात. मात्र मेंदू पूर्ण विकसित झालेला नसल्याने या प्रगत तंत्रज्ञानापासून मुलांना इजा होण्याचीच शक्यता जास्त.
– तंत्रज्ञान सतत बदलत असते. त्यात तीन मुलांपैकी एक मुलगा अशिक्षित राहतो अशी आकडेवारी आहे. शिक्षण नसल्याने व्यक्तिमत्त्व विकास खुंटतो. शैक्षणिक पात्रता नसलेल्या मुलांच्या विकासात इलेक्ट्रॉनिक उपकरणे हानिकारक असतात.
– मुलांना त्यांच्याच खोलीत इलेक्ट्रॉनिक उपकरणे वापरू दिल्यास ते लठ्ठ होण्याचा धोका जास्त… लहान वयातच इलेक्ट्रॉनिक वस्तू हाताळू लागल्यामुळे त्यांच्यात लठ्ठपणाचे प्रमाण ३० टक्क्यांनी वाढते. लठ्ठपणामुळे फार कमी वयातच मुलांना डायबेटीस, हृदयविकार असे विकार जडतात.
– आपली मुले कोणत्या इलेक्ट्रॉनिक वस्तू वापरत आहेत याची ६० टक्के पालकांना कल्पनाच नसते. किमान ७५ टक्के मुले पालकांच्या नकळत आपापल्या खोलीत गॅझेटस् वापरत असतात. त्यामुळे मुलांमध्ये निद्रानाशाचा विकार कधी जडतो याची त्या पालकांना कल्पनाही नसते.
– तंत्रज्ञानाच्या अतिवापराने मुलांना मानसिक आजार जडण्याची भीती असते. तत्पूर्वी या मुलांमध्ये तणाव, चिंता, अस्वस्थता, व्यग्रता ही लक्षणे दिसू लागतात. पण पालकांच्या ती लक्षात आली नाहीत तर मुलांचे मानसिक आजार वाढतात.
– नवनवे तंत्रज्ञान माहीत असले की मुले आक्रमक होण्याचा धोका असतो. कोणत्याही प्रकारचे शारीरिक किंवा लैंगिक आक्रमण करायलाही ते मागेपुढे पाहात नाहीत. स्वत:च्या खोलीत पालकांच्या नकळत मोबाईल किंवा टीव्हीवरच्या बातम्या, शोज पाहून अलीकडे मुले तोच प्रकार स्वत: करून बघतात.
– शाळेत अभ्यास आणि घरात वेगवेगळी इलेक्ट्रॉनिक उपकरणे… यामुळे मुले कन्फ्युज होतात. नेमके कोठे लक्ष द्यावे, काय करावे हे लक्षात न येऊन ते एकाग्र होऊ शकत नाहीत. त्यांना वेड लागू शकते. ते धड शिकूही शकत नाहीत. घरातल्या गॅझेटस्चा हा फार मोठा धोका असतो.
– कामाच्या गडबडीत पालकांचे मुलांकडे लक्ष राहात नाही. पालक दुर्लक्ष करत असल्याने मुले इलेक्ट्रॉनिक वस्तूंमध्ये मन रमवतात. यामुळे नकळत त्यांना या गॅझेटस्चे व्यसन जडू शकते. प्रत्येक ११ मुलांपैकी एका मुलाला हे व्यसन जडलेले असते.
– मोबाईल फोनसारख्या वायरलेस उपकरणांतून निघणार्‍या रेडिएशनमुळे जागतिक आरोग्य संघटनेने मे २०११मध्ये काही वस्तूंना ‘२बी रिस्क’ गटात टाकले आहे. या वस्तूंमुळे मोठ्यांपेक्षा लहान मुलांच्या मेंदू आणि पचनशक्तीवर घातक परिणाम होतो असे त्यांचे म्हणणे आहे.

सौजन्य :- फुलोरा, सामना १९०२१६

मस्त मौला सोल मेट

हा लॅपटॉप म्हणजे एक आक्रितच आहे. बंद असताना अंदाज येत नाही, पण परवलीचा शब्द उच्चारायचा अवकाश अलिबाबाची गुहाच उघडते जणू. कधी जुन्या अल्बममधे प्रवेश केल्यासारखं वाटतं, तर कधी वाचनालयात. कधी डिपार्टमेंटल स्टोअर, तर कधी सिनेमा हॉल, तर कधी जगाकडे उघडणारी मोठीच्या मोठी फ्रेंच विंडो.
मित्रांचा अड्डा भरवतो, गप्पांची मैफल सजवतो, माझा मूड ओळखून कधी ‘मुन्नी बदनाम’, तर कधी ‘गुलों में रंग भरे’ ऐकवतो . अर्ध्या अपुर्‍या कविता, पूर्णत्वास न गेलेल्या लेखांचे चिटोरे, स्कॅन करून ठेवलेली पुस्तकं, काही हवीहवीशी वाटणारी आणि काही अजिबात नकोशी ई मेलरूपी पत्रं सगळं सगळं जपून ठेवतो. घरकामाला मदत म्हणून कुणी घरात यावा आणि आपलं प्रतिबिंब होऊन जावा असा सोलमेट, आत्माराम!
एखाद्या काजळ संध्याकाळी गुहेत नेऊन खुष्कीच्या मार्गाने बरोबर गावी घेऊन जातो, अख्खं बालपण फिरवून आणतो आणि कुणालाही कळायच्या आत वास्तवात आणून सोडतो, कुठेही अडखळू न देता. धुळीने माखलेले पाय अन चेहर्‍यावर वडिलांना भेटून आल्याचं समाधान. पायाकडे कोण बघतंय! लोक वरवरच्या समाधानात खुश, मी लोकात खुश. हा गडी मात्र काम करत राहतो फक्त. कुठल्याही स्तुतीचं वा निंदेचं एनर्जी ड्रिंक पिताना दिसत नाही, पण सतत चार्ज्ड असतो, अलर्ट असतो. स्टॅण्ड बाय मोडमधेही अर्धा जागा असलेल्या रखवालदारासारखा. कधी कधी वाटतं भगवतगीता कोळून प्यायलाय आत्माराम.
चांगलं वाईट सगळं उघडया डोळ्यांनी बघतो, विरक्त हातांनी वेगळं करतो, वाईट गोष्टी रिसायकल करतो, पण बहुतेक काही गोष्टी कायमच्या रजिस्टरमधून काढणं त्यालाही अवघड जात असावं. कारण परवलीचा शब्द विसरून मी जेव्हा केव्हा एखादा क्षण त्याच्यासमोर थबकून उभा राहतो तेव्हा आपोआप आरसा होऊन जातो त्याचा. मग रिसायकल न झालेल्या मोहांचे, चुकांचे, गुन्ह्यांचे काही चरे दिसत राहतात, ज्याला आपल्या जगात सुरकुत्या म्हणतात. वय माझं वाढत चाललंय आणि दिसतंय त्याच्या चेहेर्‍यावर असं नशीब घेऊन आलो आहोत मी आणि माझा लॅपटॉप. आता कधी ना कधी हा आरसा तडकेल तेव्हा मी गरीब दिसेन हातात खजिना असून आणि पाठमोरा आत्माराम दूर जाताना दिसेल परवलीचा शब्द कायमचा स्वत:सोबत घेऊन.

vaibhav.writer@gmail.com वैभव जोशी
सौजन्य  :- फुलोरा, सामना २११२१४

फोन फ्रीकिंग

आपण अनेकदा वर्तमानपत्रात वाचतो अमक्या एका माणसाला टेलिफोनचे बिल ५० हजार रुपये आलं किंवा आणखी कोणाला १ लाख रुपये बिल आलं वगैरे वगैरे.. काही अक्षम्य तांत्रिक चुका सोडल्या तर बर्‍याच वेळेस खरंच आलेले हे बिल चुकीचं नसतंच मुळी. आता तुम्ही म्हणाल की, माझ्या फोनवरून फक्त एवढेच फोन केले आणि तुम्ही सांगताय की एवढे हजारो कॉल तुम्ही केले आहात हे कसं शक्य आहे. 
कल्पना करा की, तुमच्या फोनचा वापर शेकडो लोक करत असतील तर? तर ते करत असलेल्या सर्व फोनचं बिल तुमच्या नावावर येणार आणि फोन कंपनी ते तुमच्याकडून वसूल करणार, परंतु हे खरंच शक्य आहे काय? तर याचं उत्तर होय असे आहे. फोन या प्रकारच्या हॅकिंगला फ्रीकिंग असे म्हणतात आणि अशा प्रकारे दुसर्‍याचे फोन हॅक करून फुकटात फोन करणार्‍या हॅकर्सला फ्रीकर्स असे म्हणतात.
आपल्याकडे फोन हॅकिंग आणि फ्रीकिंग हे तसं अगदी गेल्या काही वर्षांपासून आपल्या कानावर पडत आहे, पण बाहेरच्या देशात मात्र फोन हॅकिंग आणि फ्रीकिंग गेल्या ५ दशकांपासून प्रचंड प्रमाणात सुरू आहे त्याचे प्रमाण एवढं मोठं आहे की अनेक देशांनी फोन हॅकिंग आणि फ्रीकिंग कमी करण्यासाठी अनेक कायदे केले आहेत आणि अशा प्रकारे फोन हॅकिंग आणि फ्रीकिंग करणार्‍यांना शिक्षादेखील केली जाते. 
फोन फ्रीकिंगची सुरुवात अमेरिकेत झाली आणि तुम्हाला कदाचित विश्वास बसणार नाही, पण समस्त टेक जगाचा आवडता आणि आयफोनचा निर्माता स्टीव्ह जॉब्स हादेखील त्याच्या उमेदीच्या काळात एक नावाजलेला फोन फ्रीकर होता त्याकाळी ऍपलमधला त्याचा सहकारी स्टीव्ह वोजनियाक याने ब्लू-बॉक्स नावाचे फुकटे फोन करू शकेल असा टेलिफोन बनवला होता हा फोन ते त्याकाळी विकतदेखील असत. ब्लू-बॉक्स ने त्याकाळी अमेरिकेत धुमाकूळ घातला होता नशिबाची गोष्ट म्हणजे ब्लू-बॉक्स कम्युनिटी जी हे फोन विकत असे ज्यात स्टीव्ह जॉब्सदेखील होता त्यांच्यात आणि आपल्या हिंदी चित्रपटातील नायकात एक साम्य होतं, जसं आपला नायक रात्री गुन्हा करून जमलेले पैसे गरीबात वाटत असे असच काहीसं ब्लू-बॉक्स कम्युनिटीच एक तत्त्व होतं ते म्हणजे ब्लू-बॉक्सचा वापर करून ते फक्त श्रीमंत लोक सरकारी ऑफिस आणि मोठमोठ्या कंपन्याचे फोन हॅक करत आणि त्याचा वापर करून फुकटात फोन करत आणि गरीब लोकांनादेखील फुकटात फोन करायची सवलत द्यायचे. पुढे पुढे स्टीव्ह जॉब्सची ऍपल ही कंपनी संगणक आणि मोबाइल मध्ये नावारूपाला आली नाहीतर कदाचित इतर फ्रीकर्सप्रमाणे स्टीव्ह जॉब्सदेखील अमेरिकेच्या एखाद्या तुरुंगात फ्रीकिंगच्या गुन्ह्यात खडे फोडत बसला असता.

सौजन्य :- फुलोरा, सामना ०३०८१४
amitghodekar@hotmail.com

सायबर स्टॅकिंग सावधान!

    

सुरुवातीला लॉटरी लागली आहे, परदेशातील कंपनीत निवड झाली आहे किंवा परदेशातील एखादी ‘ललना’ मला हिंदुस्थानात यायचंय म्हणून प्रेमाची गळ घालत ईमेल पाठवायची. अशा आमिष दाखवणार्‍या ईमेलमधून जोरदार फसवणूक होत होती. त्याबाबत मग सोशल साईटवर सावधपणा बाळगला जायला लागला. लोक हुशार झाले फसवणूक करता येईना. ‘सायबर क्राइम’वाल्यांनीही याविरोधात कायदेशीर आणि तांत्रिक पाऊल उचलले. त्यामुळे सायबर चाच्यांचा बंदोबस्त तेवढ्यापुरता झाला, परंतु कायदे मोडणार्‍यांना अधिक वाटा माहीत असतात ना... या सायबर चाच्यांनी नवी पद्धती विकसित केली आहे... त्यालाच ‘सायबर स्टॅकिंग’ म्हणतात.
या सायबर स्टॅकिंग पद्धतीत समोरच्याला घाबरवून टाकणारी मेल पाठविले जातात. घाबरलेले एखादे सावज जाळ्यात आले की, त्याला भोवर्‍यात फसवले जाते. घाबरविण्यासाठी कोर्ट, मंत्रालय, पोलीस, इतर सरकारी खात्यांच्या नावाचा वापर केला जातो. त्यामुळे भल्याभल्यांची गाळण उडते आणि सायबरचाच्यांचे फावते. कोर्टातून अचानक ईमेलवर नोटीस आली, ‘तुमच्यावर गुन्हा दाखल झाला आहे. उद्या दुपारी हजर रहा. उद्या वॉरंट काढून पोलिसांकडून उचलून आणण्यात येईल.’ तर कोणता भला माणूस घाबरणार नाही. तशीच पोलिसांची नोटीस, इन्कमटॅक्सची नोटीस... त्यामुळे आता या ‘स्टॅकिंग’पासून सावधान.
एवढेच नव्हे तर ‘मिस कॉल’ नावाची पद्धतीही गाजते आहे. एखाद्या अनोळखी नंबरवरून बर्‍याच वेळा हे नंबर पाकिस्तान, अफगाणिस्तान, दुबईकडचे असतात. ‘मिस कॉल’ आला की, कुणाचा होता हे बघण्याची खोड प्रत्येकालाच असते. आपण रिटर्न कॉल केला की झालंच, तिथून कुणी मधाळ आवाजात बोलू लागते आणि बिलाचा आकडा वाढत जातो. जेव्हा बिल पुढ्यात येतं तेव्हा आपल्या हाती ते भरणे एवढेच उरलेले असते. ‘व्हॉटस् अप’चा वापरही आता महिलांना फसविण्यासाठी केला जात आहे. त्यामुळे विज्ञानाची कास धर हे ठीक आहे, पण त्याच्या आहारी जाणे तरुणाईला परवडणारे नाही. हे कुठेतरी कळायला हवे एवढे खरे... किंबहुना तरुणाई मोबाईल, मेल आणि व्हॉट्स अपच्या आहारी गेल्यामुळेच या सायबर चाच्यांचे फावले आहे.
अतिशय वेगवान आणि सहजपणे कोणतीही गोष्ट आपण इंटरनेटच्या माध्यमातून करू शकतो त्यामुळे गेल्या काही वर्षात इंटरनेटचा वापर खूप मोठया प्रमाणात वाढला आहे. त्यात आता इंटरनेट मोबाईलवर देखील सहजपणे वापरता येते आणि मोबाईलवर असणार्‍या असंख्य सोफ्टवेअरमुळे आपली कामे चुटकीसरशी होतात. इंटरनेटच्या या चांगल्या बाजूबरोबर एक काळी बाजू देखील आहे आणि तिचे नाव म्हणजे सायबरक्राईम; इंटरनेटवरून लोकांच्या आर्थिक फसवणुकीचे शेकडो गुन्हे गेल्या काही वर्षात सर्रास घडताना आपण बघितले आहेत. यात तुमचे नेटबँकिंग अकाऊंट हॅक होणे किंवा कोणीतरी तुमचे क्रेडिट कार्ड वापरणे असे अनेक गुन्हे गेल्या काही वर्षात घडले आहेत. या सर्व गुन्ह्यांना पायबंद घालण्यासाठी अनेक बँकांनी अनेक उपाययोजना देखील केल्या आहेत त्यामुळे आता सराईत सायबर गुन्हेगारांनी आपला मोर्चा नवीन प्रकारे लोकांना फसवण्यात आणि नवीन प्रकारचे गुन्हे करण्याकडे वळवला आहे. हे नवीन प्रकारचे सायबर गुन्हे हे आधी घडणाया सायबर गुन्ह्यापेक्षा अतिशय भयंकर आहेत.
अर्जंट अटेन्शन... ईमेल बघून कुणीही दचकणारच ना... परेशचं तसंच झालं. त्याने तो लगेच ओपन केला. वाचतानाच त्याची बोबडी वळली. तो पोलिसांचा होता. आम्हाला एक बॉडी सापडली आहे. त्याच्या खिशात तुमचा नंबर आणि फोटो आहे. तातडीने खालील पत्त्यावर संपर्क साधा. बिच्चारा परेश... हादरला. पुढचामागचा विचार न करता त्याने संपर्क केला आणि...
तुमच्या खात्यात अमेरिकन माफियाने पाठविलेला हवाला चेक वटविण्यात आला आहे... त्याबाबत त्वरित खुलासा करा. ‘अर्जंट अटेन्शन’ या विषयाखालीच एका बड्या उद्योगपतीला आलेला हा ईमेल. इन्कम टॅक्स खात्याची नोटीसच ती. तत्काळ संपर्क करण्याचे आदेश. त्यामुळे सीएला काही विचारण्यापूर्वीच त्याने त्या इन्कम टॅक्स अधिकार्‍याला संपर्क केला आणि...
‘‘तुझा अश्‍लील फोटो आम्हाला मिळाला आहे. हा क्राइम असून तुमच्यावर गुन्हा दाखल का करू नये.’’ अर्जंट अटेन्शन म्हणून दीपाली नावाच्या तरुणीला आलेला ईमेल. आता लग्न झालेली, दोन वर्षांचं मूल असणारी आणि कॉर्पोरेट क्षेत्रात चांगली नोकरी करणारी तरुणी, पण सायबर क्राइमकडून आलेली नोटीस पाहून थरकलीच. तिनेही संपर्क साधला आणि...
आणि... काय? ...आणि तिघेही फसले. असे फसले की, काहीही न करतासवरता पार धुऊन गेले. ज्यांनी संपर्क केला ते कोण तेही कळले नाही आणि कुठल्या खात्यात रकमा जमा केल्या, ते पैसे कुणी घेतले तेही कळले नाही. सर्व काही संपल्यानंतर जाणीव झाली की, आपण फसलो गेलोय... हा ‘सायबर क्राइम’च आहे, पण त्यामध्ये आता नवीन प्रकार आला आहे. त्याचे नाव आहे ‘सायबर स्टॅकिंग.’
सायबर स्टॅकिंगच्या क्राईमला बळी न पडण्यासाठी
- जंक मध्ये असणारे इमेल सहसा उघडू नका.
- कोणताही इमेल जर तुमच्या ओळखीच्या व्यक्तीने पाठवला असेल तरच उघडा
- कोणत्याही अनोळखी मोबाईल क्रमांकावरून आलेला ‘मिस कॉल’ वर परत ‘कॉल’ करू नका
- कोणत्याही जंक इमेलमध्ये असणारी फाईल उघडू नका.
- व्हाटस्ा्अपवरून अनोळखी क्रमांकावरून आलेल्या मेसेजला उत्तर देऊ नका.
- तुमचा घराचा पत्ता, इमेल, मोबाईल क्रमांक, कोणत्याही संकेतस्थळावर अपलोड करू नका.
- जर तुम्हाला इमेल किंवा मोबाईलवर अश्‍लील मेसेजेस कोणी पाठवत असेल तर असे क्रमांक किंवा इमेल ऍड्रेस आपल्या फोनबुक तसेच जंक इमेल मधून ब्लॉक करून टाका.
- तुम्ही अशा प्रकारचे इमेल तसेच मोबाईल क्रमांक व्हाटस्अप, तसेच इतर जीमेलला रिपोर्टदेखील करू शकता. त्यामुळे तुमच्याप्रमाणे जर इतरांना या इमेल किंवा मोबाईल क्रमाकावरून त्रास दिला जात असेल तर संबंधित कंपनी त्या इमेल आणि मोबाईल क्रमांकावरून इतरांना पाठवले गेलेले मेसेज बंद करू शकते.

अमित घोडेकर
सौजन्य :- फुलोरा, सामना १५०६१४

मुंबई होणार वायफाय

मोबाईल आणि संगणकावर कोठूनही ऍक्सेस



तांत्रिक चाचणी सुरु

तरुण पिढी आणि कॉर्पोरेट क्षेत्रात क्रेझ असणारे ‘वायफाय’ लवकरच मुंबईकरांना मुंबईत कोठूनही आपल्या मोबाईल तसेच संगणकावर ‘ऍक्सेस’ करता येणार आहे. मुंबई शहर ‘वायफाय’ करण्याची घोषणा शिवसेनेने आपल्या वचननाम्यात केली होती. त्यादृष्टीने महापालिकेने पावले उचलली असून ‘वायफाय’साठी आवश्यक असलेली ‘वेब सुरक्षा’ तसेच हॅकिंगपासूनचे संरक्षण या तांत्रिक बाबींची तपासणी सुरू असल्याची माहिती महापौर सुनील प्रभू यांनी दिली.

इंटरनेट, मेलिंग सहज शक्य

मुंबईभर वायफाय यंत्रणा राबविण्यात आल्यास इंटरनेट तसेच ई-मेल करणे सहज शक्य होणार आहे. एरवी मोबाईल तसेच कॉम्प्युटरला इंटरनेटसाठी लावण्यात येणार्‍या डेटाकार्डला नेटवर्कच्या मर्यादा असतात, मात्र मुंबईतील नाक्यानाक्यावर वायफाय उपलब्ध झाल्यास तरुण पिढी तसेच कॉर्पोरेट क्षेत्रातील कर्मचार्‍यांना कोठूनही इंटरनेट पाहणे तसेच मेल करणे शक्य होणार आहे. यासाठी फक्त आपल्या मोबाईल किंवा संगणकावरून वायफाय सर्च करावे लागणार आहे.

‘वायफाय’ यंत्रणा मुंबईकर उभारण्यासाठी महापालिकेचे प्रयत्न सुरू आहेत. मुंबईसारख्या आंतरराष्ट्रीय दर्जाच्या शहरात अशी यंत्रणा उभारणे अत्यावश्यक आहे. यासाठी आंतरराष्ट्रीय कंपन्यांकडून निविदा मागविण्यात येणार आहे. महापालिकेची मुख्य इमारत आणि विभाग कार्यालयात लवकरच वायफाय यंत्रणा सुरू केली जाईल.

सौजन्य:- सामना १ ९  ० ७ १ ३ 

इंटरनेट कम्युनिकेशन

इंटरनेटमुळे खरंच जग खूप जवळ आलं आहे. अगदी एखाद्या ‘ग्लोबल व्हिलेज’प्रमाणे नेटीझन्स सदैव एकमेकांच्या टचमध्ये असतात. एकमेकांच्या संपर्कात राहण्यासाठी इंटरनेटवर असंख्य पर्याय उपलब्ध आहेत. मग ते सोशल नेटवर्किंंगच्या माध्यमातून असो किंवा ई-मेल किंवा यंगस्टर्सचं आवडतं चॅटिंग असो. इंटरनेटच्या जगात आता एकमेकांच्या टचमध्ये राहण्याचा एक नवीन पर्याय समोर आला आहे व तो म्हणजे ‘आय पी फोन’ (VOIP) (व्हॉईस ओव्हर इंटरनेट प्रोटोकॉलचा) वापर करून इंटरनेटवरून थेट एकमेकांशी फोनवर बोलता येऊ शकते किंवा अगदी व्हिडिओ कॉन्फरसिंगदेखील करता येऊ शकते. सध्या इंटरनेटवर आयपीफोन व व्हिडीओ कॉन्फरन्सिंगचे असंख्य पर्याय आपल्यासमोर आहेत.


- गुगल फोन : गुगलचा वापर करून आपण हिंदुस्थानातून थेट अमेरिका किंवा कॅनडामधील कोणत्याही क्रमांकावर फोन करू शकतो व यासाठी तुम्हाला गरज आहे ती फक्त इंटरनेटची. गुगलच्या Gtalk चा वापर करून आपण ही सेवा वापरू शकतो.

- व्होनेज मोबाईल ऍप्लिकेशन फॉर फेसबुक - जर तुमच्याकडे आयफोन (आयपॅड किंवा कोणताही ऍड्रॉईड मोबाईल प्रणाली असणारा मोबाईल असेल व त्यावर इंटरनेटची सुविधा असेल तर तुम्ही तुमच्या फेसबुकमधील कोणत्याही मित्राला थेट मोबाईलवरून इंटरनेटद्वारे फोन करू शकता. अगदी जर तुमचा मित्र परदेशात असेल तरीही व यासाठी तुमच्या इंटरनेटचा वापर केला जातो. म्हणजेच तुमचा मोबाईल ऑपरेटर तुमच्याकडून कॉल चार्जेसऐवजी इंटरनेट वापराचे चार्जेस घेईल जे कॉल चार्जेसपेक्षा बरेच स्वस्त आहेत.

- स्कायपी - स्कायपी ही जगातील सर्वात मोठी इंटरनेट कम्युनिकेशन सेवा पुरवणारी कंपनी आहे. स्कायपीचा वापर करून तुम्ही कम्युनिकेशन व्यतिरिक्त अनेक युनिक सेवा वापरू शकता. या सेवेचा वापर करून तुम्ही थेट कोणत्याही क्रमांकावर फोन करू शकता.त्याचबरोबर व्हॉईसमेल व इन्स्टंट मेसेजिंगसारखे अनोखे पर्यायदेखील स्कायपी आपणास देते. www.skypi.com या संकेत स्थळावर आपणास स्कायपीच्या सर्व सेवांबद्दल संपूर्ण माहिती मिळू शकेल.

- इंटरनेट फोन - भविष्यातील घरातील फोन हे इंटरनेट फोन असतील व हे फोन्स इंटरनेटवर चालतील. सध्या कॉर्पोरेट जगात इंटरनेट फोन (Ipphone)

ची प्रचंड चलती आहे व बहुतांशी सर्वजण जुन्या टेलिफोन तंत्रज्ञानाऐवजी घ्झ् फोनला प्राधान्य देत आहेत. इंटरनेट फोन हे थेट इंटरनेटवर चालतात म्हणजेच तुमच्या इंटरनेटची केबल थेट फोनमध्ये टाकली की तुम्ही इंटरनेट फोनवरून कोणालाही फोन करू शकता. सध्या बाजारात - D - Link चा GVC ३००० व GLV-५४० हे दोन इंटरनेट फोन्स उपलब्ध आहेत. GVC-३००० या फोनमध्ये एक थ्ण् व छोटा वेब कॅमदेखील देण्यात आला आहे. त्याचा वापर करून तुम्ही थेट फोनवरूनच व्हिडीओ कॉलदेखील करू शकता.

VOIP (व्हॉईस ओव्हर इंटरनेटचे फायदे)

- फोन कॉल किंवा व्हिडीओ कॉल इंटरनेटवरून केल्यामुळे कॉल चार्जेस् लागत नाहीत. फक्त तुमच्या इंटरनेट वापराचे पैसे मोजावे लागतात.

- ISD (इंटरनॅशनल) कॉलसाठी VOIP तंत्रज्ञाचा खूपच फायदा होतो व अर्थात ISD कॉल खूप स्वस्तात करता येतात.

- मोबाईल किंवा दूरध्वनी नसला तरीदेखील थेट संगणकावर एकमेकांशी बोलता येते.

- फेसबुक, याहू मेसेंजरसारख्या नेटीझन्सच्या आवडत्या ऍप्लिकेशनमधून एकमेकांशी संभाषण करता येते.

- व्हिडीओ कॉलिंग हे VOIP चे सर्वात मोठे व युनिक वैशिष्ट्य आहे व त्यामुळे सातासमुद्रापार असलेल्या व्यक्तीशीदेखील अगदी आपल्यासमोर असल्याप्रमाणे संभाषण करता येते.

सौजन्य :- अमित घोडेकर, फुलोरा, सामना ०१०६१३     

कॉम्प्युटर म्हणी......

कॉम्प्युटर म्हणी......

चार दिवस हार्डडिस्कचे चार दिवस सी.डी.चे!
- (नेटवर्किंगमध्ये) सेलेरॉनशेजारी पेंटियम बांधला, स्पीड नाही पण व्हायरस वाढला!
- सीडींचा बाजार, व्हायरसांचा सुकाळ!
- वरून पेंटियम आतून फोर-एट-सिक्स!
- हार्डडिस्कमध्ये नाही ते फ्लॉपीत कोठून येणार!
- घरोघरी मायक्रोसॉफ्टच्याच विंडो!
- सॉफ्टवेअर नको पण व्हायरस आवर!
- हा मदरबोर्ड नि हा प्रोसेसर!
- मंदाळ डॉट-मॅट्रिक्सला खडखडाट फार!
- यथा ऑपरेटर तथा कॉम्प्युटर!

सौजन्य:- फुलोरा, सामना २९०९२०१२

‘व्हायरस’ना शह

आजच्या सायबर युगात सायबर विश्‍वाची मुशाफिरी करताना आपल्या संगणकावर किंवा इतर कोणत्याही डिजिटल उपकरणामध्ये गरजेची व सर्वांत महत्त्वाची गोष्ट म्हणजे ऍण्टिव्हायरस. बर्‍याच वेळा आपल्या संगणकावर अनेक चांगले सॉफ्टवेअर इन्स्टॉल असतात. परंतु चांगले ऍण्टिव्हायरस इन्स्टॉल करण्याकडे आपल्याकडून दुर्लक्ष होते. आजकाल बर्‍याच संगणकनिर्मिती करणार्‍या कंपन्या सुरुवातीचे काही दिवस मोफत ऍण्टिव्हायरस सॉफ्टवेअर देतात. असे ऍण्टिव्हायरस सॉफ्टवेअर त्याच्या ठरावीक कालावधीनंतर ‘रिन्यू’ करणे गरजेचे असते. परंतु ऍण्टिव्हायरसचा नक्की फायदा काय होतो हे बर्‍याचदा माहिती नसल्यामुळे ते रिन्यूअल केले जात नाही.
आजच्या सायबर विश्‍वात जेव्हा कोणताही संगणक इंटरनेटशी जोडला जातो तेव्हा तो जगातील कोट्यवधी संगणकांच्या नेटवर्कमध्ये असतो. अशावेळेस जर तुमच्या संगणकात योग्य ऍण्टिव्हायरस नसेल तर बाहेरच्या नेटवर्कमधील इतर संगणकातून येणारे व्हायरस, ट्रोजन, ऍडवेअर मालवेयर, स्पॅम, फिशिंग मेसेजस सहजपणे तुमच्या संगणकास टार्गेट करू शकतात व त्यामुळे तुमचा संगणक क्रॅश तर होऊ शकतोच व त्याचबरोबर तुमची वैयक्तिक माहिती जसे तुमचे ईमेल ऍड्रेस, त्याचा पासवर्ड किंवा तुमच्या संगणकातून तुम्ही जर इंटरनेट बँकिंगचा वापर करत असाल तर त्यातील गोपनीय माहिती सहजपणे कोणीही हॅक करू शकतात. त्यामुळे इंटरनेटला जोडल्या गेलेल्या कोणत्याही संगणकामध्ये ऍण्टिव्हायरस व तेही लायसन्स ऍण्टिव्हायरस असणे अतिशय गरजेचे आहे. आजकाल लायसन्स ऍण्टिव्हायरसची किंमतदेखील बर्‍यापैकी कमी झालेली आहे व साधारणत: ५०० ते १००० रुपयांमध्ये चांगले ऍण्टिव्हायरस सॉफ्टवेअर मिळू शकते. मॅकफी, नॉरटन, क्वीक हेल, के ७ व इतर अनेक चांगले ऍण्टिव्हायरस सध्या बाजारात उपलब्ध आहेत. संगणकाबरोबरच आपल्या मोबाईल फोन, टॅबलेट पीसी व लॅपटॉपवरदेखील ऍण्टिव्हायरस असणे गरजेचे आहे.

ऍण्टिव्हायरसचे फायदे
- व्हायरस स्कॅनिंग : ऍण्टिव्हायरस सॉफ्टवेअर ठरावीक दिवसानंतर ऍटोमॅटिकली आपल्या संगणकातील व्हायरस स्कॅनिंग करतात व जर कोणताही व्हायरस आपल्या संगणकात आढळला तर तो डिलीट करतात.
- ऑटो अपडेट : सायबर विश्‍वातील ‘झीरो डे’ ऍटॅक टाळण्यासाठी ऍण्टिव्हायरस कंपन्या दररोज नवनवीन अपडेट करीत राहतात व जेव्हा जेव्हा आपण आपल्या संगणकावरील इंटरनेट चालू करतो तेव्हा प्रथम ऍण्टिव्हायरस सॉफ्टवेअर स्वत:ला अपडेट करते व ‘झीरो डे ऍटॅक’पासून आपले संगणक सुरक्षित राहाते.
- फायरवॉल : बहुतांशी ऍण्टिव्हायरसमध्ये फायरवॉल असते जी बाहेरील सायबर विश्‍वातील घातक व्हायरसेसपासून तुमच्या संगणकातील महत्त्वाच्या सॉफ्टवेअरचे रक्षण करते.
- ऍण्टिस्पॅम/ऍण्टिफिशिंग व ऍडवेयर कंट्रोल : ऍण्टिवायरस सायबर विश्‍वातून येणार्‍या स्पॅम, फिशिंग तसेच ऍडवेअरपासून तुमच्या संगणकाचे रक्षण करतो.

- रुटकीट/स्पाय/ट्रोजन : आपल्या संगणकातील गोपनीय माहिती चोरण्यासाठी रुटकीट/स्पाय किंवा ट्रोजनचा वापर केला जातो. परंतु ऍण्टिव्हायरस आपल्या संगणकाचे यापासून संरक्षण करतो.

सौजन्य - अमित घोडेकर, फुलोरा, सामना  040812

गॅझेटस् - पॉवर टेक्नॉलॉजी

- ल्युमिनसची नवी सौर उत्पादने... ‘सौरचार्ज कंट्रोलर’ आणि ‘सौरदिवे’


सूर्याच्या उर्जेने चार्ज होणारे दिवे. तसेच मुख्य वीजप्रवाहातूनही चार्ज होणार.

इंटेन्सिटी कंट्रोल, मायक्रो कंट्रोलर या वैशिष्ट्यांनी युक्त.

केवळ एका रिचार्जमध्ये कमीतकमी १६ तास बॅकअप क्षमता.

सौरदिव्यांत समाविष्ट असलेल्या विशिष्ट पॉइंटसोबत मोबाईल चार्ज करण्याचीही सुविधा.

पोर्टेबल एसी


- कोणत्याही प्रकारच्या इन्स्टॉलेशनची गरज नाही.


- कुठेही नेता येणारा, सुटसुटीत एसी.

- ऍटोमॅटिक रिस्टार्ट होणार.

- इंटेलिजन्ट स्लीप मोड ऑपरेशन.

- क्वीक कंट्रोल तंत्रज्ञान

स्टीरीओ ब्लुटूथ

- सुपर्ब ऑडिओ क्वालिटीसाठी नोकियाचा नवा ब्लूटूथ स्टीरीओ हेडसेट.


- फक्त ७० ग्रॅम वजन आणि सलग ११ तासांचा बॅटरी बॅकअप

- मधूर संगीतात हरवून जाल. तरीही कोणताही कॉल मिस करणार नाही. म्युझिक प्लेअर आणि कॉल यासाठी वेगवेगळ्या कीज.

- उच्च प्रतीचा स्टीरीओ साऊंड. वेळ वाचविणारे फास्ट चार्जिंग.

- स्टायलीश डिझाईन. कानांसाठी खास रचना.

सौजन्य :- फुलोरा, सामना 230612   

वायरसचा ताप

कम्प्युटरवर काम करताना मध्ये मध्ये सतत एक विंडो ओपन होते ती म्हणजे ऍण्टी वायरसची... काम करताना याचा अडथळा होतो म्हणून त्यावेळी ती तापदायक वाटते पण हा ऍण्टी वायरस आपल्या कम्प्युटरमध्ये असणं तितकचं गरजेचं आहे. ऍण्टी वायरस कम्प्युटरच्या सुरक्षिततेच्या दृष्टीने अतिशय महत्वाचं असून इंटरनेटवर काम करताना याची अधिक गरज भासते.


इंटरनेट एक्सप्लोरर हा जगातली सर्व माहिती पुरविणारा ब्राउजर अशी याची ख्याती असली तरी सर्वच कम्प्युटर्सना व्हायरस पुरवणारा ब्राउजर अशी कुख्यातीही आहे. गुगल सारख्या साइट्सवरून माहिती शोधताना हे वायरस येतात. शिवाय सोशल नेटवर्कींग साईट, पॉपअप्स, इंटरनेट जाहिरातीतूनही हे वायरस येतात.

- वायरसमुळे कोणताही डेटा करप्ट होऊ नये म्हणून ऍण्टी व्हायरस सोल्यूशन कम्प्युटरमध्ये असावं लागतं. हा ऍण्टी वायरस नेहमी अपडेट करावे लागतात.

- याचे डाऊनलोडिंग इंटरनेटवरून करता येते. हे ऍण्टी वायरस इंटरनेटच्या साइट्सवरून फ्री घेता येतात.

- ऍविरा, एव्हीजी, नॉरटॉन, थ्रेटफायर, कास्कपर्सकी हे ऍण्टी वायरस इंटरनेटवरून डाऊनलोड करता येतात.

- ऍण्टी वायरस प्रत्येकवेळा ऍक्टीव करण्याची गरज नसते. एकदा डाऊनलोड केल्यावर ते केवळ अपडेट करावे लागतात.

- ऍण्टी वायरस सुमारे सहा महिन्यात अपडेट करावे लागतात. पण हे तो ऍण्टी वायरस कोणता आहे यावर अवलंबून आहे.

सौजन्य : फुलोरा, सामना

‘आयपॅड’वर चालणार हायटेक चिनी नौका

जगभरातील लोकांच्या तोंडी व्वा... असे शब्द उमटविणारी एक हायटेक नौका चीनने तयार केली असून तिची खासियत म्हणजे ती चक्क ‘आयपॅड’वर चालविता येणार आहे.


या हायटेक नौकेचे नाव ‘अदेस्त्रा’ असे ठेवण्यात आले असून तिची खरेदी हॉंगकॉंगच्या एंटो आणि एलेन मार्डन यांनी केली आहे. ही अत्याधुनिक नौका तयार करण्यास चीनला पाच वर्षे लागली. जॉन शटल यांनी या नौकेचे ‘डिझाइन’ केले आहे. ‘बोट इंटरनॅशनल’ या मासिकाने नौकेविषयी माहिती देताना सांगितले की, भविष्यात समुद्रातील लांब अंतर पार करण्यासाठी या नौकेचा विशेष फायदा होणार आहे. यात ‘इंटिग्रेटेड शिप मॉनिटरिंग सिस्टम’ बसविण्यात आली असून यातील विशेष बाब म्हणजे ५० मीटरच्या रेंजमध्ये ऍपलच्या आयपॅडने या नौकेला नियंत्रित करता येणार आहे. यात ९ लोकांबरोबरच पाच ते सहा क्रु-मेंबरच्या बसण्याचीही सोय करण्यात आली आहे.



नौकेची खासियत :


- २२.५ पेक्षा अधिक वेग

- प्रति तास ९० लिटर इंधन लागणार

- नऊ लोकांच्या बसण्याची सोय

- कैटरपिलर सी-१८-११५० हॉर्सपॉवर इंजिन

- मेन डेकमध्ये सलून, लॉंज, डायनिंग टेबल

- नेविगेशन सिस्टम

- रीअर डेकमध्ये सोफा आणि बार

सौजन्य:- सामना १८०४२०१२

प्रिंटर घेताय?

नवीन लेजर प्रिंटर खरेदी करण्याच्या विचारात आहात तर खाली दिलेल्या गोष्टी विचारात घेणे महत्त्वाचे आहे.


जर प्रिंटर जरी आज आपल्याला महाग वाटत असले तरी ते दिसता क्षणी तुम्ही त्याच्याकडे आकर्षित व्हाल. इंकजेट प्रिंटर किंमतीवरून जरी परवडण्यासारखे असले तरी लेजर प्रिंटरच्या प्रिंटची क्वालिटी, स्पीड आदी त्याच्यापेक्षा किती तरी पटीने चांगली आहे.

- सगळ्यात आधी हे निश्चित करा की, तुम्हाला कुठल्या प्रकारचे डॉक्युमेन्ट जास्त करून प्रिंट करावे लागतात. जसे की, ग्राफिक्स, टेक्स्ट किंवा वेगवेगळ्या पेपरवर प्रिंटिंग.

- प्रिंटरमध्ये कोणते फीचर्स पाहिजेत, त्यांची एक यादी बनवा. तुमच्या जागेत बसू शकेल का, याचा आधी विचार करणे आवश्यक आहे.

- वेगवेगळ्या प्रिंटरच्या प्रिंट क्वालिटी पाहूनच निश्चित करा की कुठल्या प्रिंटरची क्वालिटी सुबक आहे.

- जर तुम्ही लिफाफा, लेबल आदींवर प्रिंटिंग करण्यासाठी प्रिंटर खरेदी करत आहात तर हे लक्षात ठेवा की, पेपर पाथ (ज्या ठिकाणाहून पेपर प्रिंटिंगसाठी जातो) ९० डिग्रीपेक्षा जास्त रुंद नको.

प्रिंटरचे सध्या ३ भाग प्रचलित आहेत.

डॉट मेट्रिक्स प्रिंटर

डॉट मेट्रिक्स प्रिंटर हे कमी खर्चाचे असतात. पण प्रिंटिंगच्या वेळी खूप मोठा आवाज करत प्रिंटिंग करतात.

इंक जेट प्रिंटर

नोझल्सच्या मदतीने योग्य प्रमाणात चार प्राथमिक रंग मिसळून रंगीत प्रिंट काढता येते .

लेझर प्रिंटर

हे प्रिंटर छापाईसाठी लेझर किरणांचा वापर करतात. सध्या ऑल इन वन प्रिंटरला जास्त मागणी आहे. झेरॉक्स, स्कॅनर, प्रिंटर, फॅक्स अशा सर्व गोष्टी यात मिळतात.

सौ. - फुलोरा, सामना 14042012

सुपरफास्ट आयपॅड

सध्या आयपॅडचा बोलबाला आहे. याला स्पर्धात्मक आकाश, टॅबलेट अशी टेक्नॉलॉजी आली असली तरीही आयपॅडची क्रेज कायम आहे. आज जाणून घेऊया आयपॅड विषयीची अधिक माहिती.


- आयपॅड हा वजनाने सर्वात हलका आणि स्लिम मोबाईल आहे.

- आयपॅडच्या टेक्नॉलॉजीत ड्युअल कोर A-5 ही चीप वापरतात यामुळे इंटरनेट स्पीड अगदी फास्ट मिळतो.

- आयपॅडमध्ये सुपरफास्ट ग्राफीक कार्ड असल्याने गेमिंग साईट्स डाऊनलोडींग आणि आयपॅडवर गेम ऍप्लिकेशन फास्ट होते.

- आयपॅडचं महत्वाचे वैशिष्ट्य म्हणजे यामध्ये फोटे लायब्ररी, व्हिडीओ एडीटींग आणि आय मुव्हीज् अत्यंत उत्कृष्ट दर्जाचे दिसतं.

- आयपॅडची बॅटरी लाइफ सुमारे १० तासांची असते.

- आयपॅडमध्ये दोन कॅमेरे असतात. यामध्ये समोर असलेला फेस रिडर कॅमेरा आणि बॅक रिडर कॅमेरा हाय डेफिनिशन आहे.

- आयपॅडमध्ये एलईडी बॅकलाईट डिस्प्ले आहे. यामुळे फोटो, फिल्मस आणि वेबपेज हायडिफाईन दिसते.

- आयपॅड हा पोर्ट्रेट आणि लँडस्केप अशा दोन्ही स्क्रीनमध्ये उपलब्ध होते.

- ही मल्टीटच सिस्टम असल्याने टचस्क्रिन आणि किपॅड दोन्हीही प्रकारात उपलब्ध आहे.

- आयपॅडमध्ये OS4 हे ऍप्लीकेशन वापरण्यात येत असल्याने हा अधिक जलदरित्या ऑपरेट होतो.

सौजन्य:- saamana.phulora@gmail.com

माऊसची क्रांती

कॉम्प्युटर टेक्नॉलॉजी मधली माऊस ही टेक्नॉलॉजी अभूतपूर्व ठरली. कीबोर्ड इतके माऊस हे अत्यावश्यक नसले तरी विण्डोजच्या जगात अतिशय उपयुक्त असे हे इनपूट उपकरण आहे. माऊसच्या टेक्नॉलॉजीत काळानुरूप प्रगती झाली आणि वायरलेस, ट्रॅकबॉल या माऊसची क्रांती झाली. म्हणूनच या भागात माऊसची क्रांती जाणून घेणार आहोत.


- माऊस ही दर्शक प्रणाली आहे. माऊसला साधारण तीन बटण असतात. हल्ली वापरात असलेल्या माऊसला दोन बटण आणि एक स्क्रोलींग असते.

- माऊस कॉम्प्युटरच्या मागच्या भागाला जोडले जाते. माऊस सीरिअल, यूएसबी तसेच वायरलेस पोर्टमध्येही उपलब्ध आहे.

- माऊसचा वापर कीबोर्डच्या जोडीला करता येतो. केवळ माऊसने काम होते असे नाही.

- डिझाइन, ग्राफिक्स किंवा चित्र काढण्यासाठी माऊसचा वापर केला जातो.

माऊसचे प्रकार

- मेकॅनिकल माऊस : या माऊसच्या खालच्या बाजूला एक छोट्या आकाराचा बॉल असतो. तो माऊससोबत फिरतो. याची वायर सीपीयु ला जोडलेली असते.

- ऑप्टिकल माऊस : या माऊसलाही एक छोट्या आकाराचा बॉल असतो. माऊसच्या बाहेर पडणारा प्रकाश माऊसच्या हालचालींवर नियंत्रण ठेवण्याचे काम करते.

- कॉर्डलेस माऊस : हा माऊस बॅटरीवर चालतो. सीपीयूसोबत हा माऊस वायरलेस पद्धतीने काम करतो.

माऊस नीट चालत नसेल तर

- माऊसच्या मागील बाजूस असलेला फ्लॅप काढून आतील रबरी बॉल स्वच्छ करून घ्या.

- रोलर फिरत नसेल तर माऊस बदलावा.

- माऊसचा पोर्ट चेक करावा. तो सीपीयूमध्ये नीट कनेक्ट झाला की नाही हे पाहावे.

- पीसी रिस्टार्ट करावा जेणेकरून काही तात्पुरता प्रॉब्लेम झाला असेल तर माऊस नीट चालेल.

सौजन्य:- फुलोरा, सामना ०३०३२०१२.

युजफूल पेन ड्राइव्ह

पेन ड्राइव्हला फ्लॅश ड्राइव्ह असेही म्हणतात. हल्ली माहिती ट्रान्सफर करण्याचा एक सहज शक्य पर्याय म्हणून पेन ड्राइव्हकडे पाहिलं जातं. हल्ली पेन ड्राइव्हचं स्वरूप आकाराने लहान आणि मेमरी स्पेस वाढत जातं आहे. कि-चेनच्या साइजमध्येही पेन ड्राइव्ह उपलब्ध झाले आहे. या पेन ड्राइव्हचे टेक्निकल महत्त्व या भागातून जाणून घेऊया.


- कोणत्याही डेटा ट्रान्सफरसाठी पेन ड्राइव्ह वापरला जातो. पूर्वी सीडी, डीव्हीडी आणि फ्लॉपीवर डेटा कॉपी केला जायचा. मात्र यासाठी सीडी किंवा फ्लॉपी ड्राइव्हची गरज भासते. अशावेळी पेन ड्राइव्ह उपयुक्त पडते.

- सीडी आणि फ्लॉपीमध्ये खूप कमी डेटा स्टोअर करता यायचा. मात्र हल्ली अगदी छोटा पेन ड्राइव्ह ८ जीबी मेमरी राहील इतका असतो.

- सध्या बाजारात पेन ड्राइव्हची रेंज २५६ एमबीपासून ते ३२ जीबीपर्यंत आहे.

- पेन ड्राइव्ह हा युएसबी पोर्टला जोडला जातो. पेन ड्राइव्ह ऍक्सेस करताना माय कॉम्प्युटर ओपन करून त्यात जोडलेला नवीन ड्राइव्हवर क्लीक करावे.

- पेन ड्राइव्हमध्ये आता एमपी३ प्लेअर आले आहे. यामुळे गाणी ऐकण्याबरोबरचं डेटा ट्रान्सफॉर्मरचं कामही पेन ड्राइव्ह करते.

- पेन ड्राइव्हमध्ये ट्रांसेंड, किंगस्टोन, सेंडडिस्क हे पेन ड्राइव्ह चांगले आणि उत्तम दर्जाचे मानले जातात.

- कॉम्प्युटरमध्ये पेन ड्राइव्हचा वापर करताना शक्यतो स्लीम पेन ड्राइव्ह वापरावा. जेणेकरून कॉम्प्युटरला असणार्‍या दोन पेन ड्राइव्ह पोर्टचा एका वेळी वापर करता येईल.

- पेन ड्राइव्ह फॉरमॅट करताना एफएटी ३२ या सिस्टीम फाईलमध्ये फॉरमॅट करावा. यामुळे नवीन आणि जुन्या ऑपरेटिंग सिस्टिमवर पेन ड्राइव्ह वापरताना कोणताही अडथळा निर्माण होत नाही.

- मॉयश्‍चराईज जागेपासून पेन ड्राइव्ह दूर ठेवावे. जर काही कारणास्तव पेन ड्राइव्ह ओला झाल्यास तो संपूर्ण कोरडा करूनच कॉम्प्युटरवर वापरावा.

- टीम फुलोरा
सौजन्य :- सामना, १८०२२०१२

ब्ल्यू टूथची देवाणघेवाण

मोबाईल टू मोबाईल किंवा कॉम्प्युटरवरून डेटा शेअरिंग अगदी सहज शक्य झालं आहे. यामध्ये महत्त्वाचा वाटा उचलला आहे तो ब्ल्यू टुथ या डिवाईसने. ब्ल्यू टुथ हे आकाराने अगदी लहान असलेलं आणि वायरलेस कनेक्टिव्हिटी देणारं डिवाईस आहे. डेटा शेअरिंग तंत्रज्ञानात अतिशय आमूलाग्र भर घालणार्‍या या डिवाईसची अधिक माहिती आपण या भागात घेणार आहोत.


- आकाराने लहान असलेलं आणि पोर्टेबल डिवाईस डेटा ट्रान्सफॉर्मर असल्याने याला जास्त मागणी आहे.


- यामध्ये मोबाईल टू मोबाईल आणि मोबाईल टू कॉम्प्युटर डेटा शेअरिंग करता येते. अनेक उपकरणांमधून डेटा मिळविणे किंवा देणे यातून शक्य होते.

- ही एक वायरलेस टेक्नॉलॉजी असून यामध्ये रेडिओ टेक्नॉलॉजी वापरण्यात आली आहे. यामुळे कमी अंतरावरील माहिती देण्या-घेण्याचे काम करता येते.

- साधारणत: ३० फूट म्हणजेच १० मीटर परिसरात हे डिवाईस चालू शकते. हे २.४ उर्पैं इतक्या क्षमतेचे आहे.

- मोबाईलमध्ये ही टेक्नॉलॉजी पूर्वजात असते, तर कॉम्प्युटरवर इंटरनेट कनेक्टिव्हिटी आणि काम करताना दोन्ही प्रकारे हे तंत्रज्ञान वापरता येते.

- सध्याच्या टेक्नॉलॉजी डिवाइसेसमध्ये ब्लू टुथ टेक्नॉलॉजीचे न्न्४.० हे नवे तंत्रज्ञान विकसित झाले आहे.

- या नव्या व्हर्जनमध्ये इंटरनेट हाय स्पीड अत्यंत कमी एनर्जी वापरून केले जाते.

- ही टेक्नॉलॉजी मोबाईल, टेलिफोन, फॅक्स, लॅपटॉप, प्रिंटर, कम्प्युटर, व्हिडीओ गेम, डिजिटल कॅमेरा या उपकरणांमध्ये वापरली जाते.

- मोबाईलमधून कॉम्प्युटरमध्ये काही डेटा शेअरिंग करायचे असल्यास ब्लू टुथ डोंगल हे तंत्रज्ञान वापरले जाते. याची रेंज सुमारे १०० मीटर इतकी आहे.

- ब्लू टुथ हे डिवाईस एरिक्सन, नोकिया, आयबीएम, इंटेल, तोशिबा, रिलायन्स आणि अशा अनेक नामांकित कंपन्यांकडून बनविण्यात येत आहे.

- सुमारे १५ हजारांहून अधिक कंपन्यांमध्ये ब्लू टुथचे कनेक्टिव्हीटी देणारे जाळे पसरले आहे.

ब्ल्यू टुथ टेक्नॉलॉजीचे असंख्य फायदे आहेत. या टेक्नॉलॉजीचा तोटा म्हणजे हे वापरताना इंटरनेट स्पीड कमी होतो. शिवाय मोबाईलमध्ये ही टेक्नॉलॉजी वापरल्यास मोबाईलची बॅटरीही लवकर उतरते.

सौजन्य:- टीम फुलोरा, १४०१२०१२

saamana.phulora@gmail.com

टेक केअर

जकाल सर्वच कामे घरबसल्या कम्प्युटरवरून करण्याचा ट्रेण्ड वाढलाय. त्यामुळे कम्प्युटर म्हणजे ऑफिस ही संकल्पना केव्हाच मागे पडली. कम्प्युटर आला म्हणजेच त्याची काळजी घेणंही आलंच. ऑफिसमध्ये इंजिनीअर ही जबाबदारी पार पाडतात. पण घरी याची काळजी आपणच घेतली पाहिजे यासाठी कम्प्युटर हाताळताना काय करावे याची माहिती करून घेऊन.


- ऍण्टी वायरस : कोणतेही काम करताना मधेच फ्लॅश होणार्‍या जाहिरातींमुळे कम्प्युटरमध्ये वायरस येण्याची शक्यता असते. यामुळे एखाद्या चांगल्या कंपनीचा ऍण्टी वायरस असणे गरजेचे आहे. यामुळे कितीही क्षमतेच्या वायरसला रोखता येईल. मात्र हा ऍण्टी वायरस नेहमी अपडेट असला पाहिजे. यामुळे वायरस साईट्स आपोआप लॉक होतात.

- आऊटलूक एक्सप्रेस : आऊटलूक एक्सप्रेस शक्यतो वापरू नये. पण यावर काम करणे गरजेचे असल्यास ऍण्टी वायरस तपासून घ्यावा. कारण या सॉफ्टवेअरमधून काम करताना वायरस येण्याची शक्यता अधिक असते. शिवाय काम करणारी फाईल यामुळे करप्ट होते.

- पॉप - ब्लॉकर : ब्राऊजरवर एखादी वेबसाईट मग ती जाहीरातींची असो किंवा फुकट देण्यात येणार्‍या गिफ्ट्सची. या जाहिरातींना ब्लॉक करण्यासाठी पॉप ब्लॉकरचा उपयोग करावा. म्हणजे जर या जाहिराती आपण आधीही पाहिल्या असतील तर त्याच्या लिंकवर जाऊन ब्लॉक ऑप्शनला क्लिक करावा.

- स्पायवेअर : कम्प्युटरवर असलेले काही प्रोग्राम हे युजरची माहिती अन्य साईट्सला नकळत पुरवीत असतात. किंवा काही वेळा अन्य साइट्सच्या रिक्वेस्ट आपल्या नावाने येतात. याला पायबंद घालण्यासाठी स्पायवेअरचा वापर केला जातो. त्यामुळे कम्प्युटरमध्ये नेहमीच स्पायवेअर अपडेटेड असल्याची खात्री करून घ्या.

- फायरवॉल : फायरवॉल हा कम्प्युटर आणि इंटरनेटमधला सेफ्टी दुवा आहे. यामुळे कम्प्युटरवरील कोणताही प्रोग्राम युजरच्या परवानगीशिवाय स्क्रीनवर चालू होत नाही.

कम्प्युटरवर काम करताना सॉफ्टवेअरची घेतली जाणारी ही काळजी. पण बाह्य स्वरूपानेही कम्प्युटर नीट ऑपरेट व्हावा यासाठी वेगळी काळजी घेणे गरजेचे आहे.

- पावसाळयात आणि हिवाळ्यात सीपीयुच्या आतल्या भागात मॉइश्‍चरायजर जमण्याची फारच शक्यता असते. यामुळे कम्प्युटर सुरू केला तरीही स्क्रीनवर काहीही दिसत नाही. यासाठी सीपीयुचा आतला भाग सुक्या पेंटींग ब्रश किंवा कपड्याने साफ करावा.

- कम्प्युटर जास्त वापरात नसला तरीही त्याची नियमित स्वच्छता ठेवणे गरजेचे आहे.

- की-बोर्ड हा बर्‍याचदा वापरताना हार्ड झालेला दिसून येतो. यासाठी क्लिनर किंवा ब्रशने स्वच्छ करून घ्यावा.

- पेन ड्राइव्ह किंवा कोणतेही युएसबी वापरताना किंवा वापरून झाल्यावर स्कॅन करून घ्यावा. यामुळे वायरस प्रॉब्लेम उद्भवणार नाही.

- सीडी किंवा डिव्हीडी वापरताना ती क्रॅक झाली नाही ना हे पाहा.

- कम्प्युटरमध्ये युपीएस बॅटरी असणे गरजेचे आहे. जेणेकरून जर इलेक्ट्रिसिटी गेल्यास काही काळ पीसी चालू राहील. अन्यथा रॅम उडण्याची शक्यता असते.

- राजन सावंत
सौजन्य :- फुलोरा, सामना

रोबोटस्चा मेळा

अलदेबरान रोबोटिक्स्


रोबोटला माणसाप्रमाणे प्रेम, राग, भीती, दु:ख इ. भावना व्यक्त करता येऊ शकतात का? याचे उत्तर अलदेबरान रोबोटिक्स्चे रोबोट देतात. त्याला (एन.ए.ओ.) हा रोबोट माणसाप्रमाणेच सर्व प्रकारच्या भावना व्यक्त करू शकतो. सध्या जगभरात दोन हजारहून अधिक (एन.ए.ओ.) रोबोट शोधकार्य तसेच संधोशनासाठी वापरले जात आहेत. भविष्यातील मानवाचा खरा मित्र रोबोट होऊ शकतो व मानवी आयुष्यात तो कसा बदल करू शकतो यावर अलदेबरान रोबोटिक्स् काम करीत आहे.


‘माय नेम इज चिट्टी...स्पीड १ टेराबाईट, मेमरी १ झेटाबाईट...’ दक्षिणेचा सुपरस्टार रजनीकांतच्या ‘रोबोट’ या चित्रपटातील ‘चिट्टी’ या ऍण्ड्रो ह्युमनाईड रोबोटला प्रेक्षकांनी अक्षरश: डोक्यावर घेतले. (त्यानंतर सर्वांना असा प्रश्‍न पडला की, खरंच रोबोट कधी माणसाची जागा घेऊ शकेल का?) गेल्या कित्येक वर्षांपासून लहान मुलांच्या कार्टूनपासून शेकडो स्काय फाय चित्रपटात आपल्या समोर अशा हजारो रोबोटिक व्यक्तिरेखा आल्या. त्यांनी कधी दुष्ट खलनायकापासून पृथ्वीवरील जीवसृष्टीचे रक्षण केले तर कधी रोबोटच खलनायक झाला आणि मानवाचा विध्वंस करू लागला. या सर्व रोबोटिक व्यक्तिरेखा आपल्या मनात कायम घर करून राहिल्या व सर्वजण कुतूहलाने का होईना हा विचार करू लागले की खरंच रोबोट कधी माणसाची जागा घेऊ शकेल का? व त्याचा माणसाला काय उपयोग होईल?

खरं तर रोबोट या संकल्पनेवर गेल्या शतकापासून जगातील अनेक शास्त्रज्ञ काम करीत आहेत व स्काय फाय चित्रपटातील रोबोटच्या करामती आता प्रत्यक्ष जगातील रोबोटदेखील करू लागले आहेत. आजचे रोबोट मेडिकल सायन्सपासून अगदी युद्धभूमीपर्यंत सर्वत्र वापरले जातात व अशी असंख्य कामे जी आपण करू शकत नाही. तेथे रोबोटची मदत घेतली जाते. यंदाच्या आयआयटी (इंडियन इन्स्टिट्यूट ऑफ टेक्नोलोजी)च्या टेक फेस्टिव्हलमध्ये रोबोट आणि रोबोटिक्सच्या जगातील अनेक नवीन स्वप्नवत संकल्पना सादर केल्या जाणार आहेत.

रोबोटिक्सचे सायन्स विस्तारत आहे. मनुष्य सतत रोबोटचा वापर कसा व कुठे करता येईल, याकरिता या क्षेत्रात मोठ्या प्रमाणात शोधकार्य करीत आहे. रोबोटिक्सच्या या विस्तारलेल्या क्षेत्रातील अनेक गोष्टींची माहिती जर तुम्हाला घ्यायची असेल तर आयआयटी मुंबईच्या टेक फेस्टिव्हलला जरूर भेट द्या. या संदर्भात अधिक माहिती www.techfest.org या संकेतस्थळावर मिळू शकेल.

क्रेझी कॉप्टर


३ इडीयट’ या चित्रपटात आपण सर्वांनी आमीर खानला छोटे कॉप्टर उडवताना बघितले आहे. हे कॉप्टर म्हणजे खरं तर मोठ्या हेलिकॉप्टरचे छोटे रूप पण याचं काम मात्र रोबोटिक्सप्रमाणे चालते. रिमोट कंट्रोलचा वापर करून हे क्रेझी कॉप्टर उडवता येते. यात कॅमेरा व इ. अनेक हायटेक गॅजेटस् लावता येतात व याचा वापर सैन्यदलापासून ते अगदी बिल्डिंगच्या पाण्याच्या पाइपलाइन इन्स्पेक्शनसारख्या कोणत्याही गोष्टीसाठी करता येते.


टी.एन.टी. रोबोटिक्स्

जोनास टीएनटी आणि बेनो टीमरसन या दोन मित्रांनी त्यांच्या घराच्या बेसमेंटमध्ये ३८हून अधिक रोबोट बनवले आहेत व या रोबोटना ‘सॉकर रोबोट’ असे म्हणतात. ‘सॉकर रोबोट’ फुटबॉलही खेळतात. रोबोटस्साठी खास वर्ल्ड सॉकर चॅम्पियनशिप ही फुटबॉल स्पर्धादेखील आयोजित केली जाते. टीएनटी रोबोटस्नी २०१० चा रोबो कपदेखील जिंकला आहे.

 

अटोनोमस रोबोट

इंग्लंडच्या युनिव्हर्सिटी ऑफ प्लायमाऊथ व मर्लिन सिस्टीमने तयार केलेला हा रोबोट संपूर्णत: स्वयंचलित आहे व तो अनेक प्रकारचे वेगवेगळे कामे करू शकतो. टीएनटी रोबोट प्रमाणेच हा रोबोटदेखील फुटबॉल खेळू शकतो. फुटबॉलशिवाय हा रोबोट स्प्रींट व मॅरेथॉनसारख्या इतर स्पर्धादेखील खेळू शकतो. पण हे कमी की काय या रोबोटने एफआयआरएची २०११ ची चॅम्पियनशिपदेखील जिंकली आहे.


आयडी माइंड टेली ऑपरेटेड रोबोट


जगाच्या कोणत्याही कोपर्‍यात बसून तुम्ही रोबोटला कोणतीही सूचना किंवा ऑपरेट करायचं तंत्रज्ञान आयडी माईडच्या टेली ऑपरेटेड रोबोटमध्ये आहे. या रोबोटमध्ये आपल्या संगणकाप्रमाणेच एक छोटा संगणक आहे. ज्याच्यासोबत तुम्ही टेली नेटवर्किंगच्या कोणत्याही सेवेचा वापर करून सदैव कनेक्टेड राहू शकता व रोबोटला हवी ती आज्ञा देऊ शकता.


सौजन्य:- फुलोरा, सामना ३११२२०११

हायफाय टेक्नॉलॉजी

इलेक्ट्रॉनिक वस्तूंना वायरलेस जोडणारी सिस्टीम म्हणजे वायफाय. रेडिओ वेव्हज्वरून वायफाय ऑपरेट करता येते. यामुळे हाय स्पीड इंटरनेट सर्विसेस वापरता येत असून आजकालच्या नवीन रेंजच्या फोनमध्ये याचा जास्त वापर केला जातो. वाय फाय सिस्टिम १९९७ मध्ये इन्स्टिट्यूट ऑफ इलेक्ट्रिकल इलेक्ट्रॉनिक इंजिनीअरिंंग (IEEE)द्वारा विकसित करण्यात आला.


वाय फाय सिस्टीम घेणे हल्ली अतिशय कमी खर्चाचे झाले आहे. यामुळे मॅक डी, कॉफी शॉप्स किंवा अनेक हॉटेल्समध्ये नेटवर्क उपलब्ध होते. ८०२.११ स्टॅण्डर्ड या फ्रिक्वेन्सीमध्ये वायफाय चालविले जाते. हे वापरण्याची योग्य रीत लक्षात घेतली तर याचे फायदेच असल्याचे लक्षात येईल. हे एक सेफ्टी टेक्नॉलॉजी असून हे वापरताना आपला डेटा हॅक होण्याची चिंता नसते.

- वायरलेस कनेक्शन सिस्टीम वायफायमध्ये असल्यामुळे माहिती घेणे आणि पाठविणे अगदी सोपे झाले आहे.

- वायफाय वायरलेस असल्याने केव्हाही कुठेही इंटरनेट नेटवर्क उपलब्ध होऊ शकतं. यामुळे नेटवरून कामे करताना कोणतीही अडचण येत नाही.

- वायफाय चालविण्यासाठी 2.4 GHZ& 802.11B स्टॅण्डर्ड या फ्रिक्वेन्सीची आवश्यकता असते. आधुनिक तंत्रज्ञानानुसार रेडिओ वेव्हज् टेक्नॉलॉजी समोर आल्याने याचाही वापर होतो.

- पर्सनल कंम्प्युटर, व्हिडीओ गेम कन्सोल, स्मार्टफोन, आयफोन, डिजीटल ऑडीओ प्लेअर यांना वायरलेस इंटरनेटने जोडता येते. त्यामुळे कुठेही जाताना ट्रान्सफॉर्मरची गरज भासत नाही.

- वाय फाय ही डिवाइस टु डिवाइस कनेक्टिव्हिटी असूनPAN (personal area network) LAN (local area network) WAN (wide area network) या नेटवर्कमध्ये थेट कनेक्ट होते.

- वाय फायमध्ये वायरलेस राऊटर वापरला जातो. त्यामुळे त्या नेटवर्क क्षेत्रातले नेटवर्क स्थिर राहते.

- 802.11B, 802.11G या रेंजमधले राऊटर जास्त वापरले जातात.

- या राऊटरची रेंज ३२ मी (१२० फूट) इनडोअर आणि ९५ मी (३०० फुट) आऊटडोअर इतकी आहे.

- सध्या त्रिकोणा या वाय फाय कंपनीची वाय फाय सिस्टीम सर्वात जास्त वापरली जाते.

- एका वाय फाय नेटवर्क अंतर्गत हजारो कंप्यूटर, लॅपटॉप किंवा मोबाईल कार्यरत असले तरीही यामुळे आपल्या मोबाईलमधला डेटा हॅक होण्याची शक्यता नसते.

- ब्लूटुथप्रमाणे कार्यरत असणार्‍या वाय फाय टेक्नॉलॉजीमध्ये कोणतेही डिवाइस कनेक्ट होताना त्याची रिक्वेस्ट पाठविली जाते. ती एक्सेप्ट केल्यावरच दुसरे डिवाईस कनेक्ट होते. म्हणून वाय फाय वापरताना कोणतीही भीती बाळगण्याची गरज नाही.

- राजन सावंत.
सौजन्य:- फुलोरा, सामना १७१२२०११