अळू

पावसात मस्त गरमागरम भाकरी आणि त्यासोबत अळूचं फतफतं खाण्यात जी मज्जा आहे ती काही औरच! कोकणात अळूचे फतफते चांगलेच लोकप्रिय आहे अळूच्या कंदाची, पानांची व देठाचीही भाजी बनवली जाते ओलसर जमिनीत अळूची लागवड जास्त होते या पानांच्या वड्याही सगळ्यांच्या परिचयाच्या आहेत काही अळू खाजरे असतात अशावेळी चिंच किंवा कोकमचा वापर करुन त्यातील खाज दूर करता येते हे अळू अतिशय गुणाकरी असतात त्याविषयी - अळू थंड, शक्तिवर्धक, अग्नीप्रदीपक, कफ आणि वायूकारक आहे.


- बेसन घालून अळूच्या पानांच्या वड्या करतात मात्र त्यात भरपूर मसाला आणि तेलाचा वापर करावा ज्यानेे वायुविकाराचा त्रास होत नाही मात्र त्याचे अतिरेकी सेवन टाळावे

- अळू रक्तपित्त, जुलाबात गुणकारी ठरते

- अळूच्या कोवळ्या पानांचा रस काढून त्यात जिरेपूड मिसळून प्यायला असता पित्तप्रकोप दूर होतो

- वायुमुळे पोटात गोळा उठल्यास अळूच्या देठासहित पाने वाफवून त्याचे पाणी काढून त्यात तूप घालून तीन दिवस प्यायला द्यावे

- अळूचा आहारात समावेश केल्याने स्त्रियांना अंगावर दूध चांगले येते

- अळूच्या पानांचा रस तीन-चार दिवस प्यायल्याने लघवीची जळजळ दूर होते

- अळूची देठे विस्तवावर जाळावी व त्याची राख फोडांवर लावल्यास फोड फुटून बरे होतात

- गांधीलमाशी चावल्यास अळू भाजून त्याचा रस दंशस्थानी लावावा तसेच पोटातही घ्यावा

- पोटात कृमी, जंत झाले असता रानटी अळूचा कंद जाळून त्याची राख मधातून चाटावी

- पोटात गुबारा धरुन शौचाला साफ होत नसल्यास लसणाची फोडणी दिलेली अळूची भाजी खावी

- मूतखडा, पित्ताशयामध्ये खडा असणार्‍यांनी अळूचे सेवन टाळावे अळू कधीही कच्च्या स्वरुपात खाऊ नये

सौजन्य:- चिरायू, सामना १४०७२०११.